Page 26 - MIN VOS 26 JUNE 2017

Ta bay di 5 sala di operacion, pa 6 sala. Na e mesun momento na ImSan nan lo caba cu 3 sala di
operacion, haciendo en total di 9 sala di operacion pa pais Aruba. Esey ta e parti structural cu

mester a bin pa por baha of termina cu e wachttijden cu tin awor aki den cierto operacionnan.E
minister a haya un bon sugerencia di contrapartido y a bisa cu pa bin alarga e shift, of bin cu un di

dos shift den salanan di operacion na e momentonan aki. Ta un tiki atras di e hechonan pasobra e
combersacionnan ta tumando luga pa mas di un aña, hunto cu e sindicato y trahadonan. Un di e

motibonan cu no a logra ainda, no ta cuestion di placa, sino cuestion di ley. Aparentemente leynan
ta anticua y tin discusion entre hospital y sindicato. Pero ta buscando un formula cu tur dos por biba

cun’e. E ora por cuminsa pa alarga e warda cu tin pa asina ya caba cuminsa gana tempo pa loke ta e
wachttijden. Un bon idea, pero den implementacion un tiki fastioso, debi na leynan poco anticua.

Tabata tin un preocupacion mas, cu tabata ora cu Landslab a bira Lab HOH. Esey tampoco no tabata
premira. Awor aki mester a traha espacio pa laboratorio. Cual tambe ta un adaptacion di scope. E ta
un agregacion di calidad, di e balo di e edificio. Esey si, pero ta trece tambe un adaptacion e ora den
e scope.

Na ultimo, loke a bin acerca ta intensive care. Esey ta gewoon cuestion di tempo, segun e minister.

Na 2012 e tabata cumpli completamente cu e rekisito di normanan cu ta conta pa intensive care,

pero na 2014 e normanan a wordo adapta. Esey a wordo haci no solamente na Aruba, pero na
Hulanda tambe. E ora ta mira cu diripiente e intensive care no ta cumpli mas cu e rekisitonan

necesario. Ta haya cu un decision cu ta bisa cu sea ta kibra ley, no cumpli of ta adapta e intensive
care di biaha.

E ora a dicidi, hunto cu tur hende abordo, cu intensive care tambe ta bay wordo renoba.

Esey tambe ta e parti di con ta bay tin retraso y un agregacion di e presupuesto acerca.

Tur esey a wordo buta den bon documentacion. Ta wardando cita cu e comision di cuido pa duna
tur informacion y despues lo sigui pa e cambio di scope y ehecuta tur e cambionan necesario pa na
final di dia tin un bon hospital, segun minister Alex Schwengle.

E tardansa pa loke ta dokternan di wowo ta

riba e tempo di operacion

June 22, 2017
47