Page 31 - MIN VOS 26 JUNE 2017
P. 31
Presidente di Aruba Taekwondo Bond Dr. Guaicaipuro
Jimenez a dispidi di e atletanan cu a biaha pa Korea
Monday, 26 June 2017 13:12
Comparti
Dialuna merdia e team di “Train Hard Fight Smart” di 4 atleta di Brazil Taekwondo Stichting a biaha pa
Korea y presidente di Aruba Taekwondo Bond ARTBO Dr. Guaicaipuro Jimenez, familiarnan y
amistadnan a dispidi di nan na airport.
Nan a desea e team exito na e Open di Korea cu ta dianan 2-7 di Juli. E team ta bay train na e camp
training na Seoul, Korea tambe. E team ta wordo guia na Korea pa ex campeon mundial, coach Olimpico,
Hall of Famer Henk Meijer. Henk Meijer ta bay coach e team y lo sigui tur e trainingnan na Korea. Esaki
ta djis e comienso di e actividadnan cu tin, despues di Korea lo sigui prepara pa e Pan Americano di
Taekwondo na Costa Rica, Záhyon Klabér a clasifica te cu -63 kilo. Mirando e resultadonan na aña 2015
na Korea y e bon preparacion, Dr. Guaicaipuro Jimenez ta convenci cu e team lo trece medaya pa Aruba
for di Korea cu ta un campeonato di ranking G2.
