Page 36 - MIN VOS 26 JUNE 2017
P. 36
STATUTONAN DI ARUBAANSE VOETBAL
BOND NO PERMITI ARBITRAGE! PETICION
DI SV DAKOTA PA ARBITRAGE NO TA
PERMISIBEL
June 26, 2017 Admin Uncategorized Leave a comment
A manda peticion di SV Dakota pa CdA reconsidera nan decision pa nan
evaluacion
ORANJESTAD, Aruba – 25 di juni 2017: Diasabra atardi directiva di
Arubaanse Voetbal Bond (AVB) a trata e peticion pa “Arbitrage” cu SV Dakota a
emiti. Pero net prome cu e reunion, SV Dakota a haci un otro peticion, pa si
acaso nan no haya e arbitrage, pa manda e peticion pa Comision di Apelacion
(CdA) pa un ‘herziening’, relaciona cu e decision tuma dia 21 juni ultimo. Esaki a
base di ‘nieuwe feiten’!
Manera ta conoci, Diamars ultimo dia 20 di juni 2017 e comision di apelacion
(Beroepscommissie) di Arubaanse Voetbal Bond (AVB) a reuni riba e protesta di
Deportivo Nacional contra e decision di directiva di AVB, relaciona cu e ultimo
wega hunga den liga “Division di Honor” entre SV Dakota y Deportivo Nacional.
Despues di deliberacion interno, e comision a duna Deportivo Nacional rason den
nan ponencianan y como tal e wega final pa e titulo di campeon lo mester ta
entre SV RCA y Deportivo Nacional.
Locual a sosode ta cu, den 4 dia despues di entrega e decision final, e SV Dakota
por apela atrobe. El a solicita pa bay “Arbitrage” y si no por, e kier pa manda e
decision bek pa “Beroepscommissie” di nobo pa bolbe trata e caso debi cu tin
circunstancianan adicional, cu kisas no a tene na cuenta den nan decision na un
principio.
