Page 50 - MIN VOS 26 JUNE 2017

AWEMainta Dialuna, 26 Juni 2017 17

Atletanan a pasa ultimo STAR diploma den

landamento sincronisa p’e temporada aki

BARRACUDAS como unico team di Synchro na Aruba tin un grupo di
atleta di Beginners cu a cuminsa train desde september 2016.
E grupo di Beginners ta train 3 biaha pa siman bou guia di Coach Yami
Romay Arias y Coach assistent Nathania Taylor.

Dia 24 di juni ultimo, un grupo di e atletanan di beginners a pasa e di
cuater y ultimo star p’e temporada aki.
Aki e atletanan di Beginners a mustra nan abilidadnan den e. o. Ballet
Leg Position, Split Position, Eggbeater traveling, Surface Prawn y tambe
algun Routine Element pa duna algun ehempel.
Sra. Esther Croes, sra. Zulema Erasmus y sra. Jennifer Nicolaas tabata e
tres Huesnan cu tabatin e tarea dificil pa husga e abilidad di e atletanan.
Atletanan cu a pasa e di 4 star: Maria Jose Salazar, Xiana Hoo, Quintessa
Sophia, Ariana Gomez y Zianthe Kock.
Barracudas ta manda palabra di pabien na tur e atletanan cu a ricibi
Star 4.
Alaves a informa e atletanan aki cu despues di temporada di vakantie nan
lo pasa pa e categoria 12 aña y menos, y a deseanan hopi exito cu esaki.
Tambe kier a informa tur hende cu inscripcionnan ta habri p’e temporada
nobo, pa atletanan cu lo kier cuminsa cu Synchro. E temporada nobo ta
cuminsa ora scol habri. Tur mucha desde 5 aña bay ariba por inscribi y
asina cuminsa practica e deporte di Synchro na Aruba. Mucha muher y
mucha homber ta bon bini.

E siguiente competencia lo ta CCCAN cu ta tuma lugar na Trinidad y
Tobago, na unda lo tin 11 atleta cu lo representa Aruba aki nan.
Tambe na luna di juli, Aruba lo wordo representa pa Kyra Hoevertsz, na
e Campeonato Mundial na unda lo particiap den e eventonan di Solo
Tecnico y Solo Liber.

Barracudas Aruba tin su website cu tin tur informacion tocante di Syn-
chro.
E website di Barracudas ta www.barracudasaruba.com.
Pa mas informacion tambe por subi riba Barracudas Aruba su pagina di
Facebook.