Page 47 - KPA JUNE 10

Na rudia riba e palet, e dama hoben a haye ta hinca full su braza den e lodo, pa el a gara e otro
pata di e Rottweiler.

El a bira un trabao di rescate hopi pisa, y poder di musculo tabata sobresaliente, pero ta ponebo
cansa hopi rapido. Hasta ora cu a saca e Rottweiler for di e lodo, y cu el a para bek riba e palet,
tabata dificil. Esey debi cu e cacho no por a ni cana drechi mas. E animal tabata full cansa y
tambe spanta.

Pero cu hopi pushamento, y trekmento, pusha aki-aya, e dama hoben y e ayudante a logra trece
bek riba santo duro.

No a haya chens ni pa check e cacho si el a keda herida of no. Pero cu full un capa diki di lodo
riba su curpa, e cacho a cana bay bek su cas. Ningun hende na e Dam no a yega di mire antes, y
nan no sa unda e Rottweiler ta biba.

Sigur e habitantenan lo a keda sorprendi di mira nan cacho full na lodo. Y claro, nan no sa
tampoco ki pesadiya el a crea pa algun hende, cu ta stima animal, y cu a haci tur cos pa a rescata
e Rottweiler y hasta si nan bida tabata core peliger.

Aki por mira algun potret saca di e operacion di rescate y tambe por mira con tur na lodo, e dama
hoben Serghjane a keda despues di a yuda saca e Rottweiler, sin preocupa mucho pa su propio
seguridad. Siguiente biaha sigur e lo bay cu un cabuya pa ta mas safe.

DIARIO ta gradici famia Wever cu a coopera cu e potretnan aki di e rescate den Dam di Rooi
Afo.

http://www.diario.aw/2015/06/hoben-a-pone-su-bida-na-peliger-pa-rescata-un-rottweiler-for-di-dam-
di-rooi-afo/