Page 10 - AM201103
P. 10
10 AWEMainta Diamars, 3 November 2020
Kiwanis Club of Aruba a duna un
“Face lift” na St. Dominicus College
durante “Kiwanis One Day”
DIASABRA 24 di october ultimo a tuma lugar e
proyecto anual di “Kiwanis K- One Day”. Rond di mundo
riba e di 4 diasabra di october tur club di Kiwanis ta haci
un proyecto comunitario.
E idea ta p’e miembronan haci un proyecto hunto cu e
meta pa finaliza esaki den un dia. E aña aki e comision
di “Kiwanis One Day” di Kiwanis Club of Aruba a scoge
como proyecto pa duna un “facelift” na St. Dominicus
College.
Cu e proyecto aki Kiwanis Club of Aruba kier contribui
di un manera positivo cu e muchanan y comunidad di
Playa.
Un grupo hopi entusiasma di boluntario a bin hunto for
di 8’or di mainta na St. Dominicus College pa haci tra-
bou di mantencion y retoca e verf di e plenchi di scol. Un
total di 80 ora di servicio comunitario cu a wordo dedica
n’e proyecto aki.
Na final di e dia e miembronan di Kiwanis Club of Aruba
a wordo sorprendi dor di cabesante di St. Dominicus Col-
lege cu un certificado di aprecio p’e tempo y trabou cu
nan a realisa p’e scol.
Kiwanis Club of Aruba kier a gradici tur e miembronan,
maestronan y boluntarionan cu a haci “Kiwanis ONE
Day” uno exitoso. Danki na tur esnan cu di un of otro
manera a duna un man pa asina logra realisa e proyecto.
Kiwanis Club of Aruba ta desea e alumonan di St. Domi-
nicus College hopi exito den e aña escolar 2020 - 2021.
