Page 13 - MIN SOC OCT 9, 2015

AWEMainta Diabierna, 09 Oktober 2015 5

“As Minister of Justice
I continue to work for a safe

Aruba for us all.”

Arthur Dowers / Speaker at Prevent Now

Be part of the leading prevention seminar. October 14th
at the Renaissance Aruba Resort & Casino. Register now at ennia.com

Centro di Bario Dakota, cual probablemente ta bay
wordo ehecuta den fase, mirando e suma grandi envolvi.
“Nos ta mira beneficio grandi si, banda di loke a wordo
haci caba ultimo tempo, nos por atende cu dos parti di
e plan pa renobacion di CBD,” Eman a bisa. El a splica
cu e prome parti t’e muraya cu ta uno hopi grandi y bieu
y den hopi mal estado.
“E ta un bista menos positivo y menos atractivo. Pero
p’e bario tambe e ta un refleho di un deteriora cu
definitivamente nos kier revitalisa y renoba. E ta un
proyecto cu probablemente ta costa 500 pa 600 mil
florin. Nos ta bay mira con por yuda den e proceso aki
pa realisa e muraya nobo pa CBD.”

E mandatario a splica cu ta trahando hunto cu directiva
di CBD y Team BoBario riba realisacion di un plan cu ta
inclui un Piscina Olimpico Comunitario. Pero directiva
di CBD ta hopi mas entusiasma pa haya e mini veldnan
deportivo den bario y a haci un peticion pa traha un di
e canchanan aki riba nan tereno enbes di un Piscina
Olimpico. Mirando cu futbol t’e pasion den bario di
Dakota ta tuma e peticion aki den consideracion.
Mirando cu e intencion di Gobierno caba tabata pa pone
un mini cancha deportivo na Dakota, por bisa cu e ta
cuadra cu e plannan di e directiva y ta simplemente e
ubicacion mester cambia. E reunion cu a tuma lugar
diamars den oranan di atardi, tabata uno hopi positivo,
segun e mandatario.
“Nos tabata hopi entusiasma cu e reunion cu nos tabatin
y hopi entusiasma cu e proyecto di veldnan mini di bala
cu ta hayando asina hopi atencion,” Prome Minister
Eman a bisa.