Page 34 - BDA21NOV2015

B6

pascoDiasabra 21 November 2015

Pasco: cora, oro y mucha

Pasco ta di e muchanan. E ta un frase traha cu aunke e no
ta completamente exacto, e berdad ta cu ora tin mucha
den cas, nos sa cu nan mas cu tur otro hende ta biba e
temporada aki cu ta acercando cu e ilusion di mas grandi
posibel.
Pa e ocasion aki bo por dorna un mesa special pa Pasco,
cu un simpel tela cu strepi cora y un cubri mesa traha
di papel y pinta pe muchanan mes... Nos por purba cu
forma di copi y scoter y e coleccion di forma pa traha
cuki pa hunto cu e muchanan traha cuki den forma tridi-
mensional y esaki e muchanan ta gusta y nan lo no lubida
esey nunca mas.... Esey lo bira un atardi hopi diberti ,
den compania di yiu , mama, papa y decoracion di Pasco
bunita. Akinan nos ta presenta na boso un resumen di e
tendencia nan pa Pasco.

Decoracion cora cu blanco

Manera semper cora ta e tendencia den tur Pasco. Decoracion senciyo, cu materialnan basico
unda cu e diseño ta resalta, ta haci cu e obhetonan pa e Pasco aki lo ta di un prijs accesibel.
Candelabros di foam, adornonan traha di papel, strea y guirnaldas di plastic, ta haci cu nos ker-
stboom y skinanan di cas ta dorna segun e ultimo moda, sin cu nos mester inverti demasiado
placa den nan.
Ta berdad cu e decoracion di Pasco ta esun cu poco biaha nos kier bolbe ripiti. Si tur aña nos
pensa di arma tur cos bek manera aña pasa, nos lo fada. Y e muchanan tambe. Pero claro, no
semper ta posibel cumpra tur cos cu nos gusta. Un bon seleccion di material di cosnan cu nos
mes por traha pa nos cas , esey ta e miho opcion.
Adornonan cu un toke cora, combina cu otronan di aña pasa of cu algun cu nos traha, lo
cambia e aspecto totalmente di e decoracion di Pasco di nos cas. Un escogencia sigur ta e es-
cogencia di e papel di regalo. Simplemente tin hopi variacion y bunita y cu nan nos lo disfruta
trahando miles di obra di man pa mucha. Ademas, nan lo sirbi nos pa caba di completa e am-
biente, lorando regalo super bunita pa bou di e kerstboom.