Page 35 - BDA21NOV2015

LOCAL B7
Diasabra 21 November 2015

Decoracion den color oro

Cu e papel di regalonan aki
cu ta hopi na moda , nos por
traha miles di decoracion di
Pasco diferente. E coleccion
den color di oro, pa e top, cu
strepi, cu forma geometrico ta
duna nos miles di posibilidad
diferente. Di un banda, nos
ta spaar si nos mes traha e
adornonan y di otro banda nos
ta pasa un rato agradabel den
union di famia.
Nos gusta cora hopi den
Pasco, pero e realidad ta cu un
kerstboom sin oro, pa hopi no ta un kerstboom. E combinacion ey di berde y oro ta resulta
impresionante. Si na esey nos ta añadi un bunita guirnalda di luznan y algun detaye traha pa
nos mes, e conhunto lo decora nos sala yenando esey cu bida.
Si finalmente nos opta pe tendencia den oro, nos lo por pone nos mesa di Pasco den acuerdo
cu e tono, utilisando “onderlegger” cu detayenan den e color ey, strea blanco y oro, balanan
tipico oro riba e centro di e mesa. Bolbe haci uzo di decoracionnan cu ya nos a pone elemento
nobo riba dje ta e clave pa tur cos mustra diferente.
E tipo di krans den oro, cu balanan di tur aña den diferente
tamaño, matisnan di color y briyo ta keda Fenomenal. Si no ta
esunnan cu bo ta uza na entrada dilanti, bo por haci uzo di nan
manera un centro pa riba mesa, simplemente añadiendo un bela
grandi den memey y cendiendo e bela riba bispo di Pasco of na
Fin di aña.
Original ta pone figuranan di diferente forma, diseño y material
(di cristal, den materialnan manera flanel cu ta ideal pa traha
cu mucha), set di luznan of balanan precioso ta algun di e
proposicionnan pa e decoracion di e kerstboom e Pasco di 2015.