Page 28 - diar july 16

PAGINA 28 DIARIO
E peliculanan di nos hobennan y campeonnan grandi di
tennis internacional
Poco dia pasa mi a dicidi cu mi no ta sali anochi, pa mi sinta na cas
trankil, goza di un pelicula cortico cu un di nos hobennan a traha.
Despues mi a bin haya sa cu tin dos mas ta pasa dos dia despues y
mi a dicidi di sinta na cas atrobe pa mira esaki. Mi a perde dos of tres
mas cu a wordo transmiti via Tele Aruba algun dia despues pa moti-
bo di trabao y a otro asuntonan cu a haci cu mi no por a mira nan.
Pakico mi a keda cas? Pasobra den ultimo añanan tin tanto pelicula
cortico cu nos hobennan a traha y cu a wordo presenta tanto local-
mente como den exterior y cu algun a gana premio tambe. Pelicu-
lanan cu a pasa mi dilanti sin cu mi por a mira un di nan .
Un di nan cu segun mi ta esun mas popular of fama, of cu a gana
mas premio, ta di Juan Francisco Pardo “Abo So”, y esey tampoco
mi a mira ainda. Pardo mi a admira den e trabao aki for di tempo el a
pidi su prome subsidio pa cursonan den exterior etc. y mi a mira con
el a crece bira un profesional cu awe ta admira pa hopi riba nos isla.
Esaki ta conta tambe pa Ryan Oduber cu mi a mira gatia, cana y
awe ta core cu “laser” na pia y cu tambe mi ta admira pa su profe-
sionalidad. Ainda mi no a menciona Rebecca Roos mes. Rebecca cu
awe ta dirigi e Festival Internacional di Pelicula cu nos lo haya aki
algun luna un biaha mas. Conoci pa documentarionan historico cu
el a filma riba nos isla y den exterior. Mi ta kere cu e tin mas filmacion Aki mi a hayami ta papia ultimo tres dia cu hende y mi a bin ripara cu
haci cu cualquier otro riba nos isla.
Manera mi a menciona, mi a sinta pa mira e peliculanan pasobra mi
kier a mira e nivel di nos filmadornan. (Mi mester tene na cuenta si
cu loke mi a mira ta di algun aña pasa caba y cu nan por a mehora
for di e tempo ey pa awe). E prome pelicula cu mi a mira tabata “Nos
Mas”. No puntrami kende ta kende kico ta kico pasobra mi no a pre-
para pa haci anotacion.
Mi a gusta loke mi a mira, sinembargo tabata tin cosnan cu mester
a haya un comentario di mi. Den e prome parti e dos amiganan
tabata sinta den e club (Pachanga). Di e “shotnan” mi a ripara mes
ora e problema cu mayoria di hende cu ta traha cu camera na Aruba,
tin. Nan ta cruza linea imaginario di horizonte.
Bo ta haya un persona ta mira banda robez di pantaya. E shot cu ta
sigui ta dunabo e otro persona, y........ e tambe ta mira banda robez
di pantaya. Pakico ? Pasobra e cameranan ta mal situa pa e shot-
nan cruzando e linea imaginario. Ora mira videoclipnan na televi-
sion, bo ta ripara esaki masha hopi y nos ta yama nan “Klapshot”.
Den e mes pelicula por a tende e señora ta bisa su casa, cu e “vic-
tima” (e homber cu e casa a maltrata e cu el a muri), tin su carchi.
Ora e homber a drenta e buraco cu el a coba pa dera e victima, lo
tabata bunita pa mire hinca man den saco di e victima y saca e
carchi.
E “toma” of e “shot” cu a haya ta mustra e casa den e buraco y bo
ta mira e carchi ta sali mitar for di saco di e victima. Esey ta “mu-
cho traha” pa mustra cu el a haya e carchi..
Mi a keda den un duda cu e final. Despues cu e señora a bay cu e
trapi, kico a pasa? A yama polis? E homber a keda den buraco cu e
victima? Mirando e muher canando trankil canto di beach a laga mi
cu e preguntanan aki.
Mi a gusta e actuacion di e actor y actriznan y mi a gusta e fantasia di
esun cu a traha e pelicula . Un plus punt sigur pa e hoben aki.
Dos anochi despues mi a mira e pelicula cortico “Promise of a
lifetime”. Mi lo bisa cu esaki ta un drama cu actor y actriznan hoben
agradable pa mira. Bon escogencia. Den e editing so mi a piki falta
“atrobe” pero no di bisa algo negativo di esaki. Pa ta amateur cu
ta haciendo lo mihor posible ta elogio mi mester tin pa e hoben-
nan den e produccionnan aki. Pero esakinan ta produccionnan di
varios aña pasa.
“Going to the river to pray” tabata e otro pelicula cortico cu mi a
mira. E soño, e efectonan riba e shotnan y sonido sonoro, a cay
bon den dje. Mi a gusta masha hopi e efecto di e cadaver den awa.
E rumannan a haci bon trabao den nan pleito relaciona cu venta di
cas di nan mama, apesar cu por a ripara cu nan mester tabata poco
mihor instrui den nan rol. E trabao di editing mi tin nada di critica.
Loke si mester bin ta un mehoracion den calidad di produccion. Si e
aña aki nos ta den di cinco aña di Festival Internacional di Pelic-
ula di Aruba e calidad di produccion mester ta mihor, principalmente
DIAHUEBS 16 JULI 2015
sonido. E sonido si den algun di e produccionnan menciona a laga di
desea.
E otro 3 peliculanan mi no a mira pasobra mi no tabata tin fecha di
dia cu lo pasa nan ni ora y despues a tende cu tur cos a caba.
E TENISTANAN GRANDI CONOCI
Awor, lagami cambia di tema y pasa di filmacion pa deporte. Cor-
sou lo tabata ariba abao diadomingo pa mira e wega final di doubles
masculino di Wimbledon. Aruba tambe sigur tabata tin fanaticonan di
tennis cu no a laga e wega aki pasa sin mira. Tur esey pa sa con lo
para cu e tenista yiu di Corsou JEAN JULIEN ROJER y su partner
Horia Tecau. Tur hende a keda sinta riba rand di stoel pa no cay di
dje, sperando e punto final pa lanta grita di alegria cu nan a gana
titulo di Campeon Wimbledon Doubles Masculino.
JEAN JULIEN ROJER ta e prome yiu di Corsow pa logra titulo
di campeon na Wimbledon cu ta e torneo mas grandi y mas bieu
di tennis na mundo. Tenistanan ta soña di gana titulonan, pero esun
mas cu nan ta soña cune, ta esun di Wimbledon.
nan no sa di dos otro hungador cu a pasa den e tournan ATP rond
mundo. Dos hungador cu ora mi a menciona nan nomber, parce cu
nan no ta conoci, sigur cerca esnan mas hoben .
E prome ta IYO (Isais) PIMENTEL naci na Corsou pero cu a hunga
den torneonan internacional den representacion di Venezuela. El a
yega te di 3 vuelta di Roland Garros na Paris na 2 ocasion, tambe
a yega cuarto final di Wimbledon na 1961 y e aña anterior na 1960
el a yega di 3 vuelta di US Open.
IYO PIMENTEL a subi e yerbanan di Wimbledon 8 biaha den su
carera. Den Doubles mixto IYO PIMENTEL a yega tambe di 4 vuelta
na 1957 y e tabata hungador pa Venezuela den Davis Cup na varios
ocasion.
IYO ta conoci cerca esnan di 60 of mas aña y cerca ex tenistanan
mas hoben cu a yega di tende di dje. Ami mes sa di dje pasobra ta-
bata den tempo mi tabata teenager y tenista ademas.
E otro tenista grandi ta HUMPHREY HOSE. Humphrey Hose, ta so-
brino di IYO y cu a hunga tennis profesional den e diferente circuito-
nan. E ta naci na Corsou, pero a biba gran parti di su bida na Aruba,
principalmente despues di su retiro activo. Mi ta sigur cu ta e mi a
mira diadomingo den palco di famia Rojer na Wimbledon pa duna
sosten na Jean Julien. Mi a sintimi bon cu e tabata eynan.
Humphrey a bira un di nos idolonan hungando na Hulanda, Alema-
nia, varios ciudad grandi na Merca, den e circuitonan di tennis pro-
fesional. Humphrey a hunga na Wimbledon y den Roland Garros
na Francia y 5 biaha den US Open. Esnan mas hoben di 60 aña a
menciona cu nan a yega di tende di dje como tenista profesional. Tur
tenista activo y no activo actualmente, si a tende di Humphrey como
e profesional di e circuitonan. Ta e hobennan no tabata sa y awor sa.
Pa colmo den periodismo mi a puntra tres persona cu pa añanan
ta trahando e trabao aki, y nan nunca a tende ni di IYO, ni carera di
Humprey. Nan a yega di tende cu Humphrey tabata “bon” tenista.
Tur tres ta di Corsou, apesar cu Aruba tambe tabata tin hungador-
nan “grandi”, pero no cu a biaha den circuitonan, pero a hunga na
Aruba si contra “grandinan “ di e circuito cu a hunga na Aruba.
Den ping pong, mescos cu Mario Croes jr. ta e leyenda na bida di
e deporte aki y gran campeon, hopi hende no sa y hopi no ta corda
tampoco, cu Humphrey tin un ruman cu tabata e “grandi” di Cor-
sow y Antiyas di e tempo aya den ping pong, Robert Hose.
Loke si tin cu haci, ta pa corda nos hobennan kendenan tabata e
grandinan di e deportenan y e campeonnan cu Aruba a conoce den e
deportenan aki.
Lagami djis bisa, di 1950 pa awe.
Juby Naar