Page 25 - MIN,ON FEB 3,2015

MinOn
http://www.24ora.com/local-mainmenu-5/91354-rbc-royal-bank-a-haci-donacion-di-buki-na-diferente-
scolnan-basico
RBC Royal Bank a haci donacion di buki na diferente scolnan
basico

Tuesday, 03 February 2015 08:53

Comparti

Gerencia di RBC Royal Bank recientemente a haci donacion di Buki na Cacique Macuarima School,
Colegio Bon Bini yPrinses Amaila Basisschool. Sr. Pierre Rafini, Market Head – Business Banking, Dutch
Caribbean & Suriname / Country Manager Aruba, a wordo bon ricibi door di tur scol, kendenan a keda
masha contento cu e gesto di RBC Royal Bank.

Sr. Rafini conhuntamente cu Sra. Rose-Ann Ruiz-Woorts, Marketing Manager, a bishita e scolnan y asina
a combersa cu e alumnonan tocante e importancia di lesamento. Sr. Rafini a conta un storia na e
muchanan cu danki na lesamento bo por biaha mundo rond door di lesa hopi buki y cu e muchanan cu ta
sabi semper ta esnan cu ta lesa hopi buki y cu ta haci hopi pregunta. Di e forma aki tambe muchanan ta
engrandece nan conocemento. Tambe Sr. Rafini a tuma oportunidad di papia cu e muchanan encuanto
nan conocemento di banco, importancia di spaar y tambe haci fiansa responsabel ora nan bira grandi.Tur
alumno a keda hopi contento cu e donacion y ta entusiasma pa lesa nan buki nobo.
RBC ta gradici Cacique Macuarima School, Colegio Bon Bini y Prinses Amaila Basisschool pa e aceptacion
y tambe di e forma aki ta sigui cu e conscientisacion di e importancia di lesamento. RBC ta un
patrocinadornan principal di ‘Kinder Boeken Week’ y ta apoya e importancia di expande un hoben su
conocemento door di lesa buki.