Page 28 - MIN,ON FEB 3,2015

aumenta e schoolgeld na e manera aki pasobra e no por haci otro. E gobierno aki ta e promer yama pa
resolve e problema aki y duna SKOA e subisidio necesario pa evita cu e schoolgeld ta aumenta asina aki.
No solamente e schoolgeld pa scolnan basico y secundario a conoce un aumento sino tambe e collegegeld
pa esnan cu ta haciendo un HBO opleding y un master opleiding na Universiteit van Aruba.
E collegeld pa esnan cu ta hacienda un HBO opleiding na UVA a subi di 1200 florin pa anja pa 2500
florin mientras esnan cu ta haciendo un master opleiding a subi di 1200 florin pa anja pa 4500 florin. E
gobierno aki ta demostrando cu e ta goberna pa e proximo eleccion y no pa e futuro generacion. E ta
neglishando nos futuro di mayan!

http://www.24ora.com/politica-mainmenu-18/91359-evelyn-wever-croes-aumento-di-
schoolgeld-di-skoa-ta-otro-muestra-cu-gabinete-mike-eman-a-faya
Evelyn Wever-Croes: Aumento di schoolgeld di SKOA ta otro muestra cu gabinete Mike Eman
a faya

Tuesday, 03 February 2015 09:24

Comparti

Lider di MEP den conferencia di prensa di MEP a expresa su desgusto pa e forma con e mal maneho di
Gabinete Mike Eman ta afecta henter nos comunidad, especialmente nos muchanan. Mayornan cu a
ricibi notificacion di SKOA cu lo aumenta e schoolgeld ta masha disgusta.

Indudablemente tin mayornan cu por paga 250 florin of 400 florin pa cada yiu. Pero tin hopi famia cu no
por paga e suma aki. Mientras cu tin "leerplicht" na Aruba, un aumento asina drastico ta perhudica nos
muchanan directamente.

E problema a surgi na momento cu Mike Eman y su gabinete a malgasta tur placa di pueblo na cantidad
di proyecto cu no tin prioridad. Y awe ainda ta pagando cantidad di placa na fiestamento y biaha mento.
Cada dia ta tuma mas hende den servicio, y pesey no tin placa pa duna SKOA na subsidio. Esaki ta un
crimen, pasobra un gobierno cu ta soche pa gasta su placa na fiestamento y biahamento, y propaganda,
en bes di inverti den nos muchanan, ta un gobierno burdugu.