Page 62 - MIN JUS, 19 JUNE 2015

Gobierno mester evalua si mester bin cu reglanan specifico
pa cu “boot camp”

Publication: Friday, 19 June 2015. Categoria: General
Maisa Faro di PDR:

ORANJESTAD (AAN) – E miembro di Partido Democracia Real, sra. Maisa Faro, den un relato
ta señala cu mas cu un aña pasa un centro disciplinario bou nomber di “Boot Camp” a wordo
estableci. E organisacion a wordo diseña pa coregi, educa y forma nos hobennan.
E pensamento aki pa yuda forma e hoben riba su mes ta bon y e ta yuda riba e formacion social
di e hoben. E concepto basico ta cu mayornan cu tin nan yiunan den un Boot Camp ta paga un
suma mensual pa e yiu por haya e formacion social, confiando cu esaki ta un centro supervisa y
den bon condicion.
Sinembargo, e proyecto no a wordo bon structura te cu departamentonan y instancianan oficial y
di orden publico, a bay over siman pasa na cera e centro, despues di a constata varios situacion
cu no ta cumpli cu reglanan vigente.
Den e cuadro aki mi kier observa lo siguiente: mi por compronde cu tin mayor cu no sa cual
caminda mas pa cana y pa haya yudansa pa comportacion di nan yiu, pero di parti di Gobierno
mester evalua si mester introduci reglanan specifico pa institutonan di e indole aki, y asina
mayornan por ta sigur cu tin un bon supervision di e instancia unda nan ta pone nan yiu.
Mester reglamenta, entre otro, cu e parti di formacion mester ta den man di profesionalnan cu por
guia e hobennan aki den nan conducta. Den mi concepto un persona pa giua un organisacion
asina mester tin e educacion social y tambe un experencia amplio pa maneha un centro cu tin di
haber cu formacion y correccion di hoben. Y un boot camp tambe mester cumpli cu reglanan di
higiena y tin facilidadnan apropia.