Page 53 - MIN ON MAY 15
P. 53
Recientemente a tuma luga e di tres y ultimo quiz di buki entre e scolnan special di Aruba, organisa dor di
Fundacion Bon Nochi Drumi Dushi.
Durante e ultimo ronde Scol Caiquetio y Emmaschool a midi forsa cu otro pa demostra cua di nan dos por
a contesta e preguntanan miho relaciona cu e buki ‘Caimin su secreto’ di e escritora Diana Lebacs.
E muchanan a participa cu hopi animo na e diferente partinan di e quiz. Despues di e prome parti cu ta
Bruha Lenga, nan tabata cla pa e competencia, nan a perde miedo di papia y a practica con ta primi e
buzzer.
E parti di Charada tabata un mano a mano entre e dos scolnan y e preguntanan tocante e escritor y e
contenido di e buki a bay hopi bon mes. Nan a caba cu e parti di dramatisacion den cua tur dos scol a
demostra di tin hopi talento pa actuacion. E publico presente a percura pa un ambiente alegre y a apoya e
muchanan tremendamente.
Un sorpresa agradabel pa e muchanan tabata e bishita for di Corsou di e escritora di e buki cu e
muchanan a prepara, Caimin su secreto, Diana Lebacs. Despues di a introduci su mes señora Lebacs a
contesta e preguntanan di e muchanan y e publico tocante su trabou como escitora y tocante e diferente
bukinan cu el a skirbi . Diana a keda impresiona pa e organisacion di e quiz y e nivel di dominio di e buki
door di e muchanan.
Prome cu pausa Rafael Garcia a haci e presentacion di su obra ganador di arte di palabra di Aruba. El a
haya un bon acohida di parti di publico.
E scol ganador di e quiz a bira Emmaschool cu a haya e prome premio di 1000 florin, na di dos luga a keda
scol Caiquetio cu a haya un premio di 750 florin y Scol Paso pa Futuro a haya e di tres premio di 500
florin.
Nos ta gradici RBTT-Bank y Aib cu a haci e premionan aki posibel. Tambe nos ta gradici tur e otro
sponsornan esta SETAR, Dyon Center, Gourmet Catering, Office Systems y Unoca, cu a duna nan sosten
na FBNDD.
Como ultimo nos kier gradici tur hende cu a yuda nos haci e quiz posibel, nos MC Sr. James van der
Linden e miembronan di hurado, Biblioteca Nacional, Tabitha Fecunda y tur e voluntarionan
y miembronan di comicion di Quiz.
Na September FBNND lo anuncia e fecha di nos siguiente Quiz.
Fundacion Bon Nochi Drumi Dushi.
Durante e ultimo ronde Scol Caiquetio y Emmaschool a midi forsa cu otro pa demostra cua di nan dos por
a contesta e preguntanan miho relaciona cu e buki ‘Caimin su secreto’ di e escritora Diana Lebacs.
E muchanan a participa cu hopi animo na e diferente partinan di e quiz. Despues di e prome parti cu ta
Bruha Lenga, nan tabata cla pa e competencia, nan a perde miedo di papia y a practica con ta primi e
buzzer.
E parti di Charada tabata un mano a mano entre e dos scolnan y e preguntanan tocante e escritor y e
contenido di e buki a bay hopi bon mes. Nan a caba cu e parti di dramatisacion den cua tur dos scol a
demostra di tin hopi talento pa actuacion. E publico presente a percura pa un ambiente alegre y a apoya e
muchanan tremendamente.
Un sorpresa agradabel pa e muchanan tabata e bishita for di Corsou di e escritora di e buki cu e
muchanan a prepara, Caimin su secreto, Diana Lebacs. Despues di a introduci su mes señora Lebacs a
contesta e preguntanan di e muchanan y e publico tocante su trabou como escitora y tocante e diferente
bukinan cu el a skirbi . Diana a keda impresiona pa e organisacion di e quiz y e nivel di dominio di e buki
door di e muchanan.
Prome cu pausa Rafael Garcia a haci e presentacion di su obra ganador di arte di palabra di Aruba. El a
haya un bon acohida di parti di publico.
E scol ganador di e quiz a bira Emmaschool cu a haya e prome premio di 1000 florin, na di dos luga a keda
scol Caiquetio cu a haya un premio di 750 florin y Scol Paso pa Futuro a haya e di tres premio di 500
florin.
Nos ta gradici RBTT-Bank y Aib cu a haci e premionan aki posibel. Tambe nos ta gradici tur e otro
sponsornan esta SETAR, Dyon Center, Gourmet Catering, Office Systems y Unoca, cu a duna nan sosten
na FBNDD.
Como ultimo nos kier gradici tur hende cu a yuda nos haci e quiz posibel, nos MC Sr. James van der
Linden e miembronan di hurado, Biblioteca Nacional, Tabitha Fecunda y tur e voluntarionan
y miembronan di comicion di Quiz.
Na September FBNND lo anuncia e fecha di nos siguiente Quiz.
