Page 9 - BDA12MARCH2015

riba caya A9
Diahuebs 12 Maart 2015

Homber a pone fin na su bida

Tanki Leendert - Diamars prome cu 10’or di anochi habitantenan di Tanki Leendert
a bati alarma na autoridadnan competente, informando autoridad cu un persona lo
a tira su mes mata den un apartamento.
A despacha unidad di polis y recherche cu urgencia pa e sitio. Na nan yegada ta topa cu un
hende homber tur na sanger cu lo a tira su mes mata cu un arma di candela. Polisnan a cera e
aria pa ningun hende yega cerca di e luga di e suceso aki pa haci investigacion sin cu otro hende
por mete aden. Recherche di Playa tambe a presenta hunto cu departamento tecnico di Polis
pa sigui cu e investigacion na e sitio. Personal di Ayudo na Victima tambe a presenta pa papia
cu e habitantenan pa yuda nan den nan dolor. E habitantenan ta esunnan cu a scucha e tiro y
a informa polis di e caso.
Segun informacionnan ricibi, e homber a laga un carta atras. Aparentemente e tabata pensando
di haci esaki caba, pero el a dura un tempo. E homber tabata biba den un situacion fastioso,
unda cu pa algun luna e no tabata tin placa pa paga awa, coriente y pe come.
E informacion ta sigui indica cu e homber tabata malo y bisiña tabata yuda e difunto tempo cu
e tabata na bida.q

Chauffeur burachi a ranca un palo di luz

ORANJESTAD - Diaranson den oranan di marduga habitantenan di Santa Helen-
astraat a scucha un golpi basta fuerte pafo di cas. Ora a bay wak ta kico a sucede a
constata cu un auto a dal un palo di luz basha bou.
Patruya di Oranjestad ta acudi na e sitio y topa cu un palo di luz cu a wordo ranca pa e auto. E
parti dilanti di e auto Honda Accort a keda completamente kibra.
Polis a tuma nota cu e chauffeur tabata burachi. Esaki a pone cu Polis a detene e chauffeur na e
sitio. E chauffeur ta un persona cu ta traha pa un persona cu funcion halto den nos comunidad.
Elmar a yega na e sitio pa asina cuminsa cu e trabounan necesario di reparacion.. E kabelnan
tabata forma un peliger pa e comunidad y esey mester a wordo evita di biaha. E auto a wordo
hala na banda pa takelwagen.q