Page 6 - min.on sept 3,2015

AWEMainta Diahuebs, 03 September 2015 11

Pueblo a wordo traiciona
y awor ta wordo castiga
cu e CFT CAFT y mas
medida cruel

“DIAMARS otro siman lo tin apertura di Aña

nobo Parlamentario. E dia aki lo bo weita un show
di fariseo, traicion y oportunismo, pasobra ora cu
cuidadano Prome Minister expresa e palabranan aki
e mira su mes den spiel, pasobra loke e Gobierno

y fraccion di AVP a haci ta hinca nos pueblo
den debe y pobresa, asina Glenbert Croes
(MEP) a duna di conoce.

Fraccion di AVP a contribui na hinca
Aruba den era di traicion y pobresa dor
di traiciona y engaña e pueblo biniendo cu
e ley di CAFT cu lo t’e cuchiu cu lo bay corta
tur famia di Aruba.
Awor cu ley CAFT a pasa Gobierno
mester bay corta cu 270 miyon florin
di pueblo!

Ta di lamenta cu
gremionan cu a fiesta
cu AVP no ta sinti e dolor
di un pueblo cu ta wordo
castiga cu medida.
Pesey den nos buki tur
esnan cu a manifesta
dia 27 augustus 2015 ta
heroenan di nos nacion!

“Ami tin sentimento
mixto cu e Aña
Parlamentario nobo,
pasobra lo bay castiga
pueblo! Pasobra loke ta
bay bin ta hopi mas duro
loke ta pasando awor.
Ta dificil pa nos pretende
cu tur cos ta normal
siendo cu a entrega
autoridad di nos pais
y bay di acuerdo pa
pueblo bira victima di
mal maneho di Gabinete
Eman.
Nos ta comprometi pa
proteha pueblo di loke
ta bay bin!”, Glenbert
Croes (MEP) a conclui.