Page 22 - AAA
P. 22
E dos atletanan den e deporte Muay Thai Kickboxing, Bruniel Kruythoff y Clayton
Raven lo tin un compromiso internacional grandi e fin di siman benidero na e pais di
Colombia ora nan competi den e di tres edicion di e Panamerican Muay Thai
Championship 2017. Un total di 20 pais lo competi den e Panamericano di Muay Thai cu
lo ser teni na cuidad di Caqueta e dianan 11 y 12 di november. E hoben Braniel Kruythoff
lo bringa den e categoria 57kg y lo enfrenta e temible contrincante di cas esta e
colombiano Rodrigo Suarez. Pa loke ta Claytonn Raven e contrincante no ta conoci
ainda. Dos siman pasa ainda e atleta Clayton Raven a bringa na Paramaribo, Surinam den
e SK17. Mester bisa cu ambos atleta ta entrena na e Dojo Boye Martial Arts Center y ta
cla pa nan pelea den e Panamericano di Muay Thai. Mas cu claro nan lo ta biahando cu
un representante cu den e caso aki a haya su pasashi y estadia cubri.
Lotto pa Deporte kier a desea e atletanan Braniel Kruythoff y Clayton Raven tur clase di
exito den e 3rd Panamerican Muay Thai Championship 2017. No tin duda cu ambos
atleta lo representa Aruba su bandera dignamente na Colombia.
Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes
momento inverti den deporte local pa medio di donacionnan na e Comision di Subsidio.
