Page 24 - AAA

Sra. Does a gradici SMAC pa semper a sinta bek cu Musica y asina a yega na e
acuerdonan cu otro, sin problema. Por bisa cu nos di parti di Stichting Musica ta
un team bastante dinamico, nan tambe kier mira con e festival aki por bira mas

grandi durante e aña nobo cu ta bin y e siguiente añanan, a cambia di un
donacion cu ta duna SMAC, pa inverti esaki bek den Carnaval.

E aña aki a propone pa locual ta duna pa wordo inverti bek, a peticion di e

musiconan, Stichting Musica a lanta y su prome deber ta pa traha na beneficio
di e musiconan. Hunto a dicidi cu no tin un miho forma, hinke bek den e parti

organisatorio. Sra. Does a bisa di ta gradici pa e aña 2017 pa e cooperacion
ricibi di parti di presna. E musiconan ta den full preparacion, y Sra. Inky
Richardson ta hopi envolvi cu e musiconan.

Un noticia hopi positivo ta cu Stichting Musica ta liber di debe. Nan a presenta

nan rapport financiero dos luna despues di e evento. Tur nan gastonan ta paga
ora cu nan a presenta nan rapport.

Pa locual ta ganashi, esey ta permisibel, y nan ta inverti esaki bek. E aña aki

ainda, prome cu fin di aña nan lo duna un lezing y nan tin proyectonan hopi
bunita den tapara, unda cu por papia di e musiconan trabao, no un sorto di
musico ya cu tin tendencia di pensa cu Stichting Musica su trabao ta di organisa

Caiso & Soca Monarch. Nan mester duna interes na esey, ya cu esey ta locual a
inicia, unda e fundacion a nace. Pero nan mester a pone hopi atencion na dje pa

asina nan por a cumpli e aña aki, for di e situacion cu e tabata ta.

Tin trabao y retonan grandi pa e fundacion, y nan por bisa cu na final nan t’ey
pa brinda e servicio pa wak con nan por engrandece henter e cuna musical aki

na Aruba, segun Sra. Edwina Does, di Stichting Musica.