Page 15 - Awe Mainta
P. 15
AWEMainta Dialuna, 10 Augustus 2015 15
grandi cu el a causa scarsedad te hasta di biyechi di
placa. E biyechi di denominacion mas grandi ta di
100 bolivar. Riba mercado paralelo, awe esaki tin un
balor di 25 cen Arubiano. Imaginabo si aki na Aruba e
denominacion di placa di mas grandi ta di 25 cen!
Hendenan mester cana rond cu bulto diki di placa pa
paga caminda cu nan no por paga cu carchi di banco. Na
un restaurant mi mester a conta 88 papel di 100 Bsf pa
mi por a paga e cuenta cu un balor di apenas 22 florin.
No solamente na Maracaibo, pero na henter Venezuela e
banconan no ta cash check di mas cu 24 mil bolivar (un
balor di menos cu 69 florin) pasobra nan no tin suficiente
biyechi di placa. Tur caminda cu tin un ATM mi por a
mira filanan largo di hende pa saca e poco cash cu e
mashin ta entrega. Segun mi amigonan, ta pa rasonnan
politico Gobierno no ta laga imprimi denominacion mas
grandi.
Dia cu nos a sali di Maracaibo a sali e noticia cu cerbes
tambe ta cabando y apenas tin pa dos siman. Mi no por
imagina mi amigonan Maracucho sin nan cerbes den e
proximo dos lunanan mas cayente di aña. E situacion
no ta pronostica nada bon. Parce cu awa ta na punta di
pasa hariña.
