Page 65 - min.on

Via di fondonan procedente di Hulanda cu ta aloca pa beurzen, Minister Hooyboer-Winklaar a
haci un peticion pa aplica e beurzen aki pa studiantenan cu Arubalening na Curaçao. “E proceso
a tuma su tempo pero mi ta sumamente contento cu cada studiante cu ta depende riba
Arubalening studiando na Curaçao a ricibi un beurs no solamente e 1 mil florin adicional pa
cubri e aumento di collegeld, pero banda di esey, un extra 1 mil florin cu lo por yuda e studiante
crea un tiki “breathing room” den su situacion financiero. E hecho cu esaki ta un beurs y no
lening tambe ta un bentaha pa e studiante.” e mandatario a bisa.
Actualmente ta den e proceso pa administra mes cos pa esunnan studiando na Universidad di
Aruba.
E studiantenan di Aruba, Curaçao y region tin hopi prioridad pa Minister Michelle Hooyboer –
Winklaar mirando cu ta kere cu mester facilita e studiantenan aki cu loke nan tin mester pa por
studia exitosamente.
Minister Michelle Hooyboer – Winklaar ta spera cu e beurs adicional lo por yuda e studiantenan
na Curaçao substancialmente y ta gradici e studiantenan Arubiano na Curaçao pa nan
disponibilidad y envolvimento positivo den e proceso aki.

http://masnoticia.com/minister-michelle-hooyboer-winklaar-cada-studiante-arubiano-na-corsou-a-
ricibi-un-beurs-di-2-mil-florin/