Page 68 - min.on

Hooyboer Transparencia financiero SKOA
mas urgente cu nunca!

Posted on 07/8/2015 11:27 am AST | Updated on 07/8/2015 11:31 am AST

ORANJESTAD – “ Mi a tuma nota di e uitspraak y mirando e uitspraak duna, mi ta mas
convenci cu nunca, cu ricibi e relatonan financiero di SKOA promer cu paga subsidie ta
importante”. Esey tabata e prome reaccion di minister di enseñansa Michelle Hooyboer na
NoticiaCla.com riba e veredicto entre mayornan y SKOA awe mainta. Manera ta conoci,
huez a prohibi SKOA di cobra e aumento di schoolgeld, pendiente un caso di
bodemprocedure.

CASO

Segun Hooyboer, esaki tabata e motibo cu e la cuminsa un caso contra SKOA inicialmente. “Mi
a para e caso, pasobra SKOA a bay di acuerdo pa baha e suma cu nan tabata pidi pa schoolgeld,
y cu nan lo a entrega nan cuentanan annual di añanan 2011,12 y 13 prome cu fin di juni. Esey no
a sosode ainda”, Hooyboer a sigui bisa.

PIDI EXTENCION

SKOA lo a pidi un extension na comienso di juli. “Ainda nos ta wardando pa ricibi esaki” e
mandatario a sigui bisa. Ademas, SKOA a ricibi un aumento den subsidio e aña aki caba.”
Gobierno no por aumenta mas subsidio sin tur e comptabilidad financiero segun ley y regulacion.
“Gobierno nunca no a nenga di paga subsidio. Pero si no cumpli cu e ley, no por duna ningun
aumento” Hooyboer a finalisa bisando.