Page 9 - min.on

26 AWEMainta Diaranson, 8 Juli 2015

CpLrAoUySeUcRtAo

di conta cuenta

SIMAN pasa Biblioteca Nacional Aruba a clausura su

proyecto di contamento di storia na Cas di Anciano.
E clausura tabata den un ambiente festivo cu Grupo
musical Zjilea dirigi pa Chencho Kelly.
A gradici Quota club pa e sosten financiero pa e bunita
proyecto aki. Sra. Astrid Britten, directora di biblioteca a
ofrece sra. Muzaninn Wever presidente di Quota club e
filmacion di e proyecto riba CD.

Na biblioteca nan ta masha agradeci cu e projecto aki y cu
Quota club por a aporta na haci e grandinan feliz.
Contador di storia sra. Gwendy Sneek y sra. Amaryllis
Velazquez y autor sr. Gerry Franca a bishita diferente
cas di anciano den ultimo 3 luna hunto cu un team di
biblioteca.
Sra. Gwendy Sneek ta conta storia y skirbi poesia y ta
pintor. El a publica ‘Meimei shelo y tera’ na 2007.
Sra. Gwendy Sneek a contribui mas biaha na e proyecto
aki. El a conta un cuenta for di coleccion di Hubert Booi
(dfm) y poesia for di e antologia di Aruba, ‘Cosecha
Arubiano’.
Sra. Amarillis Velazquez ta docente Spaño y Papiamento
y keto bay den proceso laboral. Amarillis ta participa pa
di dos biaha como contador di storia. El a conta 3 storia
di Compa Nanzi e haraña sabi.
Gerald D. Franca a publica 2 buki pa mucha na Papiamento,
‘Carlito y e tapadera’ y ‘Carlito ta bay keiro’. Tur dos ta
na benta na libreria local. Gerald Franca ta skirbi storia
pa adulto tambe y ta skirbi poesia.
Esaki tabata e di nuebe edicion di e proyecto Conta Cuenta
cerca nos grandinan di Biblioteca Nacional Aruba.