Page 135 - MIN VOS
P. 135
Hendrik Tevreden di regreso den
politica
21 June, 2017
0
“Mi tey bek” tabata e prome palabranan expresa door di Hendrik Tevreden cu
un sonrisa na su cara durante e conferencia di prensa yama door di Partido
Movimiento Electoral di Pueblo (MEP) diaranson, anunciando asina’ki e regreso
den politica di e hoben politico.
Hendrik Tevreden no ta un persona desconoci den politica ya cu na aña 2005 a
forma parti caba di partido MEP despues cu ex lider honorario di MEP sr. Nelson
Orlando Oduber a reconoce e pasion cu Hendrik tin pa sirbi su Pais.
Despues di eleccion na aña 2009, Hendrik a tuma un break for di politica ya cu
el a casa y a dicidi di cuminsa forma su famia.
Pa eleccion di 2013, Hendrik a sinti cu e no tabata cla pa regresa den e mundo
di politica y e tempo ey e tabata tin un meta su dilanti, cual tabata
profesionalisa su mes den e ramo di ‘Maatschappelijk Gezondheidszorg’ pa asina
duna e miho di su mes na su Pais. Awor cu el a termina su estudio, e ta cla pa
tuma e reto un biaha mas cu determinacion pa yuda Aruba progresa.
Cu su regreso den politica, Hendrik Tevreden tin 3 punto di accion como meta,
cual ta;
Reconoce e areanan cu Aruba tin di mehora a corto y largo plaso,
Reestablece un fundeshi solido pa acomoda un perspectiva nobo,
Reconstrui nos sistema social a base di principionan duradero.
