Page 137 - MIN VOS

‘Kwaliteitsdag’ di Hospital enfoka riba transformacion

Wednesday, 21 June 2017 18:57
Comparti

Den Hospital e “kwaliteitsmedewerker” hunto cu e zorgmanager tin un rol proactivo den e areanan di
calidad y siguridad riba e afdeling. E kwaliteitsmedewerker t’ey pa yuda su coleganan den esaki ya cu e ta
esun cu tin mas experiencia y training. Tambe e ta proteha e calidad y ta stimula su coleganan pa ta
consciente pa a lo largo e pashent haya mas miho cuido.

Hospital ta organisa e encuentro aki 4 biaha pa aña y e ta tuma luga henter dia, di cual tin 90
kwaliteitsmedewerker den Hospital, asina sra. Cheryl Rosa-Fingal, manager di departamento di
‘Kwaliteit en Veiligheid’ a remarca. Semper un dia asina tin un tema specifico y e kwaliteitsmedewerker
tambe ta haya cierto training y tareanan cu mester haci hunto cu nan zorgmanager y coleganan.
Principalmente e idea ta pa haya sa kico ta e risiconan mas importante y si tin otro maneranan di traha
mas efectivo pa mehora e calidad di cuido aun mas. Durante e encuentro diabierna cu a pasa e tema
tabata: “A different way of working”. Esaki en conexion cu e transformacion grandi cu Hospital ta pasa
aden cu diferente proyecto. “No solamente e mudamento, pero tin mas cos ta andando. P’esey nos a
scoge pe tema hopi actual ‘A different way of working’,” Manager Kwaliteit & Veiligheid, Cheryl Rosa-
Fingal a indica. Zorgmanager di departamento di mucha, Veronica van Meulen ta involucra desde 2011
den e cambionan cu lo bay bin na Hospital unda a cuminsa cu e prome discusionnan riba e edificio nobo.
Awor trabounan riba e edificio nobo ta casi cla y e departamento di mucha ta prepara pa bay den e
edificio nobo. E empleadonan ta masha entusiasma pa bay den e edificio nobo. Un edificio nobo ta nifica
cosnan nobo, mas bunita, mas posibilidad, mas acomodacion pa yiu y mayornan cu ta keda cerca nan
yiunan. Zorgmanager di Niet Snijdend 3, Ruthmila Odor-Croes, a expresa cu nan ta preparando pa bay
muda den e edificio nobo.

Den e edificio nobo lo bin un departamento di neurologia y tambe riba e mesun piso lo bin un stroke
unit. Esaki kiermen cu nan lo mester reorganisa su departamento. Esaki lo bay ta algo pa custumbra cu
ne. Tin un Hospital aki na Aruba y esey kiermen cu no por cera y habri otro siman bek despues cu nan
caba di muda, Ruthmila Odor-Croes a sigui splica. Nan mester keda habri y pasa tur pashent safe di
edificio A pa edificio B. P’esey a crea dos team pa asina por realisa un mudamento optimal den e
trayectorio aki teniendo na cuenta tur risico cu ta existi y tambe cu stroke pashentnan lo keda drenta.
“Nos ta yama e 2 teamnan e receivers y e senders y nan t’ey pa garantisa e siguridad di cada un di nos
pashentnan ora cu nan bay di A pa B”, Ruthmila Odor-Croes a sigui splica. Nan ta na altura di tur
procedura nobo cu nan ta bay topa cun’e pa ora nan ta den e edificio nobo. Diferente departamento lo
bay muda y e mudamento lo bin cu retonan tocante con nan mester bay traha den futuro, Zorgmanager
di Niet Snijdend 4, Andy Phillip, a remarca. E comunidad ta spera no solamente un edificio nobo pero
tambe e manera di traha cu tin cambio den dje. “P’esey mester di un ‘mind switch’; a different way of
thinking. Awe e tema ta ‘a different way of working’, pero prome cu esey mester duna e trahadonan un
chens pa pensa y refleha con nan a traha den e ultimo añanan cu nan ta custumbra cu ne”, Andy Phillip a
duna di conoce. E no ta un manera nobo di traha pero simplemente mester adapta nan manera na un
otro forma pa asina nan por garantisa miho calidad den e edificio nobo. Durante e dia aki coleganan a
presenta varios topico entre otro ‘medicatieveiligheid’, splicacion tocante mudamento, tips pa planning,
ekipo nobo cu lo bin y tocante medidanan cu ta wordo tuma pa sigura siguridad y higiena durante