Page 74 - MIN VOS, JUNE 18 2015

Lo bin un ley pa structura uso di tur e tiponan di awa cu tin
na Aruba

Publication: Thursday, 18 June 2015. Categoria: General

Director di LVV sra. Nathalie Maduro:

ORANJESTAD (AAN) – Den entrevista cu director di LVV, sra. Nathalie Maduro, relaciona cu
uso di awa pa rega mata (ornamental of pa consumo), a indica cu en principio, mester bin cu un
plan.

Esaki ta algo cu actualmente trahando riba un ley pa estructura e uso di tur e tiponan di awa cu
tin na Aruba.

Awendia hopi hende kier bay biba den mondi sin tene cuenta cu tin areanan destina pa cria, y
esaki ta trece problema den vecindarionan. Si un hende cu tin cria laga nan bestia (cabrito) subi
caya esaki ta trece problema, pasobra nan ta drenta den cura di hende haci fastioso. Pero di otro
banda e criadornan ta bira proactive y ta planta algo cu cual nan por cria e bestianan y nan ta uza
awa di pos pa muha e hooi.

“Actualmente, nos ta wardando pa e planta di DOW keda cla. Nos no tin distribucion di awa
aworaki pasobra DOW ta bezig ta haciendo cierto trabaonan di reparacion, di e planta. Un vez cu
esaki keda cla aunke e damnan tur a seca, nos lo tin e awa aki pa cierto plantacionnan”, sra.
Nathalie Maduro a informa nos.

El a agrega, cu locual ta plantanan hydroponics, cu ta un tiki mas delicado, LVV ta recomenda,
door cu no tin awa di dam, pa switch of na awa di WEB.

“Esaki ta un produccion hopi mas delicado, si nos ta papia di lechuga y otronan cu nos no ta
cushina sino cu nos ta come fresco, e riesgo ta ainda mas grandi. Nos a pidi WEB su cooperacion
pa wak si nan por duna un rebaha na e cunukeronan. E ta den discusion cerca e managernan, y
nos ta spera cu lo tin un noticia positivo, over di esey”, sra. Maduro, director di Santa Rosa a
subraya.

E dama a remarca cu tin un escasez grandi di awa y no solamente na Aruba. Curacao ta pasando
den e mesun situacion. Aya, e Fundacionnan di Cunukero ta bezig ta purbando di convence
gobierno cu ta un necesidad pa seguridad di cuminda, cu ta hopi importante.

http://www.diario.aw/2015/06/lo-bin-un-ley-pa-structura-uso-di-tur-e-tiponan-di-awa-cu-tin-na-aruba/