Page 75 - MIN VOS, JUNE 18 2015

No ta recomendable pa muha productonan di agricultura cu
awa di beerput

Publication: Thursday, 18 June 2015. Categoria: General
Director di LVV sra. Nathalie Maduro:

ORANJESTAD (AAN) — Diferente biaha,
Matutino DIARIO ta scucha personanan cu ta yama nos redaccion pa keha riba otronan cu ta
rega mata, sea den agricultura of ornamental, cu awa di beerput, cu ta trece mal holo y segun
nan, ta aumenta musca den nan vecindario, y muy frecuente na Santa Cruz.
Tin personanan ta puntra nan mes si nan ta rega mata di fruta y berdura cu e awa aki, ki peligro e
por trece pa salud?
Riba e tema aki nos redaccion a entrevista sra. Nathalie Maduro, director di Departamento di
Agricultura, Cria y Pesca (LVV) mas conoci como Santa Rosa.
Sra. Maduro a menciona cu nan a haci un sondeo riba kico exactamente ta wordo muha cu awa
di pos, y tin un caso specifico den Santa Cruz.
Akinan nan ta cria carne, cabrito, baca, etc., y nan ta uza e awa di pos pa nan plantacion di hooi
cu nan ta corta despues pa e animalnan come, pero no necesariamente nan ta uza e awa aki pa
mata di fruta y berdura.
Sra. Maduro a subraya cu no ta recomendable pa uza e awa di pos pasobra e ta contamina e
tereno, pero di otro banda esaki ta factornan cu ta surgi ora nos tin limitacion di awa.
No obstante, un hende por haci uso di awa di pos pa muha matanan ornamental, pero pa ley e
mester ta despues di 10’ or di anochi, pa e no stroba bisiñanan.
Biniendo bek na e criadornan di bestia, sra. Maduro a splica cu Santa Rosa mes no ta bende hooi.
Un criado di bestia no por bay den cunuco bay chapi, pa haya hooi pasobra no tin. E situacion
aki ta pasando na otro distritonan unda tin cunuco tambe.