Page 9 - MIN SOC DEC 21,2015

Dialuna 21 December 2015 Pagina 13

Prome Minister di Isla Tuvalo situa den Oceano
Pacifico ta gradici......

Aruba lo bay yuda Isla Tuvalu
pe no sink y bay bao di awa!

Recientemente na

Francia, Mike Eman y

Benny Sevinger a topa

cu e Prome Minister di

Tuvalu. Tuvalu ta un isla

cu ta situa den Oceano

Pacifico, mei mei di

Hawaii y Australia.

Ta asina cu e isla aki ta
wordo menasa, cu e nivel
di lama lo subi y e isla lo
bay sink of bay bao di
awa.

Pa e ocacion aki, Prome
Minister Mike Eman y
Benny Sevinger a topa
cu e Prome Minister unda
nan a intercambia riba
coperacion, esta ayudo
pa cu e problematica aki.

Den e tape cu nos a logra
capta, no ta splica ta ki
sorto di ayudo.

Nos no por a confirma si
ta un team di DOW, TNO,
RIETVELD of ta cual
grupo Mike lo manda
Tuvalu pa asina por duna
coperacion.

Loke ta un hecho ta cu
Hulanda mes ta un pais
cu ta bao di nivel di lama
y pa haci esaki posibel a
traha dijk.

Es decir, lo ta algun dijk
Mike Eman lo kier bay
traha na Tuvalu?

Entodocaso, riba e foto
aki por aprecia Mike
Eman y Benny Sevinger
kendenan ta atendiendo
cu e prblematica na e
Isla di Tuvalu.

Ta parce cu na Aruba
mes nos no tin suficiente
problema pa resolve y
atende? Y awor nos ta
bay tuma responsabilidad
pa copera cu un Isla situa
asina leeuw? Pronto
Mike Eman lo bay Isla
Tuvalu pe mes analisa e
situacion.