Page 42 - Extra
P. 42
42 Djabièrnè 4 Mart 2016
...Pa finansiamentu
konstrukshon di
kasnan sosial...
FKP SPERANDO
ALGUN LUNA
KABA RIBA
PALABRA FINAL
BANKO SENTRAL
WILLEMSTAD .-
Fundashon Kas Popular
huntu ku gobièrnu di
Kòrsou den persona di
minister mr. Suzanne
Camelia-Römer tin algun
luna kaba pendiente
di e reakshon – por
bisa asta palabra final
– di Banko Sentral di
Kòrsou i St. Maarten
riba finansiamentu di
konstrukshon di kasnan
sosial na Kòrsou.
Arthur Con, direktor di
FKP a informá ku fo’i aña
pasá a plantea e plannan
na bankonan komersial pa
un finansiamentu kontra 3
porshentu di interes.
A bai Banko
Sentral pa sondea nan
pensamentu riba e tipo
di finansiamentu aki i
algun luna mas despues
no a tende nada ainda e
direktor di FKP a deklará
na radio kaminda el a
konfirmá ku pendiente
un di dos pèrmit di
konstrukshon nan ta kla
pa kuminsá konstruí na
Wechi.
Kasnan sosial ta parti
esensial di Wechi i mester
por traha esakinan ku
fiansanan sosial ku tres
porshentu di interes e
direktor di FKP a splika.
Bankonan lokal ta
interesá i bankonan lokal
tin e fondonan pa tipo di
invershonnan asina pero
tin ku haña e aprobashon
di Banko Sentral e direktor
di FKP a duna di konosé.
Es mas el a splika mas
aleu, tin plaka de sobra pa
tipo di proyektonan asina.
E tardansa,
probablemente ku
motibunan hustifiká no ta
yuda nan proyekto mashá
e direktor di FKP a indika.
Lo respetá un konseho
negativo i dal bai mesora
ku Plan B òf Plan C Arthur
Con a indiká.
Tin interes serio te hopi
serio di kapital djafó pa
finansiá konstrukshon di
kasnan sosial na Kòrsou e
direktor di FKP a terminá
bisando.
