Page 45 - Extra

Djabièrnè 4 Mart 2016 45

SOSEGA NA PAS Kontinuashon di pagina 8
HAF TA MUCHU...

mes n’e. Den e kaso ei
nos tin un aeropuerto ku
ta kresiendo i ku ta produsí
sèn pa kaha di gobièrnu na
lugá di kosta gobièrnu (lesa:
pueblo di Kòrsou) sèn i doló
di kabes.

Nos di Kámara di
Komèrsio ta konsiderá
ku, mirando ku tin un
kompania privá ku ke hasi e
invershon mionario, ta mas
ku normal ku e kompania ei
ta haña sufisiente tempu pa
rekuperá su invershon.

Tambe den mensahe
di Presidente na
kuminsamentu di aña,
Kámara di Komèrsio a
indiká ku kompanianan
di gobièrnu mester laga
hasimentu di negoshi na
sektor privá.

Esei ke men ku si tin un
invershonista privá ku ke
hasi negoshi i invertí den
nos infrastruktura, no tin
motibu pa un kompania di
gobièrnu hasi esei. E sèn
ku Gobièrnu ta invertí via
su kompanianan nan por
usa mihó den proyektonan
importante manera nos
edukashon.

P’esei Kámara di
Komersio ta apoyá un
konstrukshon kaminda CPA
ta kobra invershonistanan
den sektor privá hür pa
operá riba terenonan di
CPA i ku CPA ta kontrolá
kondishonnan di konseshon
i laga negoshi na sektor
privá.

Si na final di dia
partidonan no ta dispuesto
pa firma un kontrakt nobo
riba término hopi kòrtiku,
den kua lo mester tin
invershonnan mionario
den krannan i waf i tambe
mas ‘checks and balances’
pa sòru pa un solushon
duradero ku ta protehá
CPS, CPA i pueblo di Kòrsou
mihó ku awor ta e kaso bou
di e kontrato eksistente,
Gobièrnu lo mester
konsiderá e alternativa i
buska un solushon riba
término hopi kòrtiku pa e
situashon di krannan nobo
pa medio di CPA.

Esei ta enserá ku CPA
(lesa: gobièrnu di Kòrsou)
mester hasi invershon, pero
e ora ei mester informá
CPS mesora tambe ku lo
no prolongá e kontrato
eksistente ora e kaba umbé
i lo mester kuminsá ku un
proseso pa haña un otro
kompania privá dispuesto
pa karga e gastunan di
invershon i pa operá
Brionwerf riba un manera
duradero i kompetitivo
pa nos pueblo i merkado
internashonal.