Page 3 - AAA
P. 3
12 AWEMainta Diahuebs, 04 Juni 2015
Campaña
“Buy 2 Fly”
a wordo lansa
na Aeropuerto
di Aruba
Pasaheronan saliendo por gana
un biahe bek pa Aruba!
ARUBA Airport Authority N.V. (AAA) ta contento pa
anuncia su campaña mas nobo dirigi na tur su pasaheronan
saliendo for di Aruba p’e temporada di zomer: “Buy 2 Fly”.
Hunto cu Dufry Aruba N.V., De Wit & Van Dorp Stores, Kok
Optica, Colombian International, One Happy Bar, y Airport
Hospitality Industry N.V. cu ta representa mas cu 35 tienda
den e shopping mall di Aeropuerto, Aeropuerto di Aruba a
lansa un campaña di rifa promocional unda e pasaheronan
saliendo tin e oportunidad di gana nan buelo bek pa Aruba,
ora cu nan haci un compra di minimo US $20,- na un di e
tiendanan y/of lugarnan di cuminda participando den e
campaña na Aeropuerto.
E campaña aki lo core full den e temporada di zomer te cu
dia 31 di augustus, 2015 ora cu lo saca e ganador.
Con pa participa na “Buy 2 Fly”? E ta hopi facil: 1) Haci
compras na un di e tiendanan of busca algo di come y bebe
na un di e lugarnan cu ta bende cuminda y bebida despues
di e security check-point; 2) ricibi bo coupon di e campaña,
yena e coupon y 3) benta e coupon yena den un di e cahanan
