Page 41 - MIN.TTC APRIL 24

Stoba, Cocolishi Stoba y Cabrito riba grill ta platonan cu kisas hopi tempo bo mes no a saboria.
Un seccion special a wordo poni pa e biaha aki nos duna espacio na e NGO’s (Non Goverment
Oragisation) nan por acomoda nan mes y presenta kico ta nan tarea pa cu e Dia di Tera aki. Aki lo bo
haya menra Stimaruba, FESTAS, AHATA y algun otro mas cu tambe lo bait a presente.
Nos muchanan no por keda afo. Trecenan akin a Santa Rosa pa asina nan tambe por pasa un dia dushi
disfrutando di nos Cunuco Chabelito cu tin hopi bestia pa mira manera Burico, Pato, Porco Chikito,
Coneu, Pony Ride, y hopi otro entretenimento pa nan.
E invitacion ta keda na e pueblo di Aruba engeneral pa yega na Santa Rosa diadomingo awo 26 di april
pa asina disfruta di nos dia pubico combina cu nos afamado Mercado Santa Rosa celebrando nos Dia di
Tera cu ta cuminda for di 9’or di maita y ta bait e cu 3’or di atardi.

http://www.24ora.com/politica-mainmenu-18/94483-minister-oduber-placa-cu-turismo-a-laga-atras-
na-2014-a-aumenta-cu-173-miyon-segun-banco-central

Minister Oduber: Placa cu turismo a laga atras na 2014 a
aumenta cu 173 miyon segun Banco Central

Thursday, 23 April 2015 20:35
Comparti

Partido MEP y en especial parlamentario Dangui Oduber parse cu no ta compronde cifranan di turismo y
con esaki a bin ta creciendo of ta actuando di mala fe, pasobra placa cu turismo a laga atras na 2014 a
aumenta cu 173 miyon segun Banco Central.

Mas cu esey, un dia nan ta bisa cu turismo ta bon, cu turismo a crece y cu economia a crece danki na
turismo, otro dia nan ta bisa cu turismo ta bayendo malisimo y cu tur hende por sinti esey, otro dia ta
bisa cu turismo ta bon, pero no sa kico lo pasa den futuro y finalmente ta bisa cu turismo stay over ta
bayendo bon, pero cu turismo crucero ta malisimo.
A yega momento pa mustra realidad di e situacion di nos turismo y con esaki a bin ta mehorando durante
ultimo añanan.
Segun datonan di Banco Central e placa cu turistanan ta laga atras (tourism receipts) a aumenta na 2014
cu un total di 173 miyon. Esaki a bin riba e aumentonan cu a conoce aña tras di aña ya caba for di 2010
en adelante cu tabata di 52 miyon na 2010, 178 miyon na 2011, 90 miyon na 2012 y 177 miyon na 2013.
Aumentonan cu a bin despues di un caida grandisimo na 2009 di no menos cu 232 miyon y esaki bou
gobernacion di MEP.
E cifranan aki, cu ta bin directamente for di Banco Central ta mustra cu contrario na e profetanan di
desaster, nos turismo ta bayendo den un hopi bon direccion y indicacion ta cu e lo sigui bay den e rumbo
aki.
Bayendo den area di turismo crucero, ta netamente bou maneho di Gabinete Mike Eman a duna atencion
na e aspecto di nos turismo aki un biaha mas. For di 2009 a restablece y mehora relacionnan cu diferente
di e companianan crucero y a logra cu Carnival Cruise Lines a regresa nos isla y a aumenta frecuencia y