Page 42 - MIN.TTC APRIL 24

capacidad di diferente otro tambe. E grafica adhunto ta mustra e desaroyo di nos turismo crucero cu na
2013 a conoce un crecemento record y cu na 2016, esta otro aña lo kibra esaki superando e barera di 700
mil pasahero crucero.
Ta berdad cu na 2014 y posiblemente e aña aki a y lo conoce un caida chikito den turismo crucero
compara cu 2013 (aña record), pero a pesar di esaki e cantidad ta keda riba 600 mil pasahero crucero,
cual ta hopi mas halto cu e cantidad cu a conoce durante gobernacion di partido MEP.
Di otro banda, a pesar cu Minister Otmar Oduber y partnernan den e industria tin atencion pa nos
turismo crucero, turismo di estadia ta keda e focus principal mirando cu nan contribucion na nos
economia ta hopi halto.
Simplemente mirando e cifranan di 2014 unda a conoce un caida di alrededor di 20 mil turista crucero,
por mira cu e efecto di esaki tabata practicamente nada ya cu segun cifranan di Banco Central turismo a
laga riba 170 miyon atras.
Minister Otmar Oduber y partnernan den industria ta sigui enfoca riba continuacion di mehoracion di
nos turismo concentrando riba nos producto y e turista afluente, logrando asina pa nos isla keda dos stap
dilanti di nos competidornan.

http://www.24ora.com/local-mainmenu-5/94476-grandi-y-chikito-ta-demostra-nan-capacidad-riba-
lama-durante-sail-aruba

Grandi y chikito ta demostra nan capacidad riba lama
durante Sail Aruba

Thursday, 23 April 2015 20:01
Comparti

Nabegantenan Olimpico, competencianan pa nabegantenan principiante den e nivel optimista, botonan
traha na man y un bista spectacular, esey ta algun di elementonan den e dos dianan di Sail Aruba 2015 cu
ta bay mantene e amantenan di e deporte aki cautiva, incluyendo competencianan den diferente
categoria.
Pa publico e ta priminti di bira un spectaculo grandioso, incluyendo e presencia di invitadonan di Cas
Real.
Pa e Aruba Sailing Association esaki ta dianan mas druk. Vice-Presidente Eric Mijts a conta durante e
conferencia di prensa di Sail Aruba cu ya caba hopi boto a registra pa e competencianan. “Pero ainda tin
luga pa esnan cu kier participa.” Rey Willem-Alexander y Reina Máxima tin un aprecio grandi pa e
deporte aki y pesey a percura pa a inclui un parti di dje den nan programa.
Riba 1 di mei pa 11.50 di mainta, e Pareha Real ta cera conoci cu e nabegantenan Olimpico: Nicole van
der Velden y Thijs Visse (catamaran), Philipine van Aanholt (Laser Radial) y Mac van den Eerenbeemt
(RS:X). Pa 12.00 uur Reina Máxima ta haci e disparo oficial pa e nabegantenan di mas chikito den e nivel
optimista. E competencia ta tuma luga cu un ronchi den e Schoenerhaven. Un ora mas laat ta momento
pa lunch, caminda e nabegantenan Olimpico por bay hunto cu e Rey y e REina. E cuminda ta tuma 45