Page 8 - AAA FLIP 1 JULY 2017

Tin un diferencia entre Happy Flow y E-Gates

Friday, 30 June 2017 19:15
Comparti

Un tema cu nos a papia cu Gerald Vingal di departamento di Imigracion ta Happy Flow. El a comenta cu tin un
verschil den e happy Flow cu ta un concepto y tin e diferencia E gates. E Happy flow Concept te ainda ta esun cu
pasaheronan di KLM cu ta scan e paspoort y boarding pass y despues, a base di bo biometria, bo ta keda volg cada
touchpoint, sin cu bo mester saca bo paspoort y boarding pass cada rato te ora cu bo drenta avion.

Vingal a haci uzo di dje recientemente pa un biahe di trabao y ta hopi dushi. E tambe tabata tin e problema cu bo ta
caba di warda bo paspoort y boarding pass caba cu bo no mester mas y nan ta pidibo di nobo. E ta hopi facil. Vingal a
maak’e mee. E ta bay na e kiosco buta boarding pass y paspoort, por bisa cu e ta ingechecked. E ta saca potret di su
biometria. Asina aki, ora cu entrega maleta, tin un camara cu ta capta e biometria, na imigracion y ora bo subi avion.
Bo ta djis pasa bay.

E gates, cual tambe nos tin, tanto na entrada como salida. Esey ta ora cu yega na imigracion cu bo ta scan bo
paspoort pa bo registra pa in y uitklaring. E Happy Flow concept ta otro. For di momento cu a cera pa boarding di
avion y E-Gates ta reemplasa un empleado di imigracion cu ta klaar bo in y uit.

Merca tin entendi ultimo, a bay over na uzo di biometria. Merca tabata uza otro metodonan. Awor aki a mira cu
biometria ta hopi mas safe. E ta scan bo cara. Tur cos ta biometria. Bo cara awor aki ta mas sigur cu biometria. E ta
mas safe cu e otronan, manera fingerprint. Merca a bay over riba esey. Tambe tin entendi cu Merca ta bayendo over
pa e Happy Flow concept tambe. Ora cu un hende den e departure hall, buta su paspoort na e kiosco pa bay Hulanda
por ehempel, imigracion ta hay’e, manera cu e registra. Si tin un hende ta wordo busca pa polis, actualmente, si e
persona ta bin na bali di imigracion, tin biaha nan ta ripara na e postura di e empleado di imigracion, nan ta core
bay. For di den hal caba cu nan bay registra, imigracion haya e informacion, ta otro.

E cos zuiver ta cu un hende no ta yega check in, sigui cana bay avion. Hopi biaha nan ta bay bebe algo, etc. For di e
momento cu e check in, cu haya un alerta cu e pasahero ta busca, prome cu e yega na Imigracion, por yama polis
caba. Si no haci’e, ta dura minuutnan cu nan por huy. Den e caso aki y hopi netjes cu no mester laga polis aresta un
hende den un luga cu yen di turista. Si e yega na gate, polis tey caba, nan ta gui’e netjes, y polis ta haci loke nan tin di
haci. Esey Vingal ta encurasha Happy flow pa banda di siguridad. Ta un producto cu ta rond di e cliente, pero pa
banda di siguridad, cu di antemano imigracion sa ken ta e prospectonan cu ta bin, cu nan por haci cierto accionnan.

Dianan di estadia

Pa loke ta dianan di estadia, ta wordo registra mescos cu Radex. Na luga di pasa na imigracion, ta pasa e-gate, pone e
paspoort na e gate, ta mescos cu ta un empleado di imigracion ta haci in of uitklaring. E ta registr’e mesun cos. Den e
caso aki, e egatenan no ta habri pa uzo pa risk nationalities. E gate no por puntra cuanto placa bo tin, kico bo ta bay
haci of si un hende ta vissumplichtig, e no por puntra esey. Pesey mes e hendenan cu ta riba risk nationalities, no por
haci uzo di e-gates.
http://www.24ora.com/index.php?option=com_content&view=article&id=123607:tin-un-diferencia-
entre-happy-flow-y-e-gates&catid=1:local&Itemid=5