Page 77 - MIN ON 23 SEPT 2015
P. 77
Fecha di pago di maandgeld September na
studiantenan
Wednesday, 23 September 2015 09:04
Comparti
Gabinete di Aruba ta participa na tur studiante como recordatorio cu, mescos cu aña pasa, e pago di e
maandgeld na e studiantenan pa e luna di september ta bai na un otro fecha. Normalmente pago na tur
studiante ta wordo emiti ariba 24 di e luna corespondiente.
Departamento di Enseñansa di Gabinete di Aruba ta trahando duro riba e prioridad number un actual cu
ta e pago di collegegeld, mirando e echo cu esaki tin un deadline pa hopi di e institutonan di enseñanza.
Sinembargo tur esfuerzo ta wordo haci tambe pa por logra keda cla cu e pago pa e luna di september den e
plaso stipula prome cu fin di luna. Ta premira cu a base di con e trabounan ta avansando cu por logra haci
pago di e maandgeld pa fin di september. Pa loke ta e pago di collegegeld, pa tur studiante cu a cumpli cu
e rekisitonan stipula den e email di 7 di juli ultimo cu nan a ricibi, e placa lo keda deposita ariba nan
cuenta bancario, prome cu e fecha cu e instituto di enseñanza ta kita esaki for di nan cuenta.
Departamento di Enseñansa di Gabinete di Aruba por confirma si cu ya caba un gran parti di e collegegeld
a wordo paga na e studiantenan. Gabinete di Aruba ta puntra e studiantenan pa pone bon atencion y pa
tene consideracion cu e situacion recurrente aki di luna di september na comienzo di aña escolar nobo.
http://www.24ora.com/local-mainmenu-5/99848-fecha-di-pago-di-maandgeld-september-na-
studiantenan
