Page 79 - MIN ON 23 SEPT 2015

Filomena College MAVO ta conta cu sosten
total di e mayornan

on: Tuesday, September 22, 2015In: LocalNo Comments
Print Email

E aña escolar nobo 2015 – 2016 a inicia y sigur e tin su retonan cu ne, mirando cu scol no ta
dispone di fondo necesario pa por brinda e alumnonan tur cos. E temperatura na Aruba no ta uno
di mas faborabel, specialmente den e oranan di merdia.

Desde cu e aña escolar aki a cuminsa, Filomena College mavo a haci un peticion na cualkier
compania/mayor/instancia pa yuda resolve e problema di airco, incluyendo mantencion. Danki
Dios cu e peticion a haya oido y riba diasabra y diadomingo ultimo, 1 mayor conhuntamente cu 2
amistad di bon curason, a bin pa duna 22 airco servicio. Esaki sigur ta un gran alivio pa scol, ya
cu e airconan tabatin mester di un servicio urgente.

Banda di esaki e mayor tambe a cumpra algun cortina, pa yuda 1 airco traha miho cu ta haya
ayudo di algun fan, cu e docentenan mes a cumpra. E klasnan cu falta airco ainda, awo ta conta
cu cortina y fan, p’asina brinda e alumnonan un clima mas faborabel pa concentra, haci les y
siña.
Finalmente e mayor a regala un airco inverter di 18.000 btu, pa e lokaal 12, cu den vakantie a
horta e airconan y tabata draai solamente riba fan.

Henter e famia grandi di Filomena College mavo ta masha gradici pa e bunita gesto aki y sigur ta
di aplaudi e apoyo cu nos scol y nos alumnonan ta ricibi di nos mayornan como tambe
comunidad, pa asina conhuntamente educa nos hobennan tocante kico ta responsabilidad social.

http://masnoticia.com/filomena-college-mavo-ta-conta-cu-sosten-total-di-e-mayornan/