Page 9 - BNDIA ARUBA

A9
REINO Diahuebs 14 september 2017
Habitantenan di St. Maarten lo haya alivio di hipoteca y fiansa

WILLEMSTAD – Habitantenan di St. Maarten lo haya un alivio pa loke ta trata pago di hipoteca y fiancia. Ta logico cu den un econo-
mia cu no ta produci y caminda e hende no tin trabou, nan no por cumpli cu su obligacionnan financiero, asina presidente di Asociacion
di Bankero di Corsou, Leo Rigaud a bisa ayera mainta. Ayera mainta tabatin un reunion urgente na Banco Central di Corsou y Sint
Maarten pa atende e situacion na Isla riba. Corsou ni Sint Maarten tin un Banco Central comparti.

Sr. Rigaud a bisa cu den e re-
union a keda di atende tambe
e situacion di circulacion di
placa den e pais. Tur banco
ta cera y mashinnan di placa
no ta trahando. Mester tene
cuenta cu aspectonan di
siguridad. Di otro banda tin
e situacion tambe cu traha-
donan di banconan tambe
a sufri di e impacto. Tur ta
puntonan cu mester tuma
na consideracion. Como cu
economia no ta funcionando
awor aki y e trahadonan no
tin trabou, lo mester con-
sidera un alivio di pago di
fiansa y hipoteca.”esey ta
mas cu logico. Ademas mes-
ter tene cuenta cu banconan
tambe lo perde den e caso
aki”, asina sr. Rigaud a bisa.
El a bisa cu Corsou mes-
ter yuda den e caso di Sint
Maarten pasobra aparte di
e relacionnan social entre e
pais, tin un interconexion
importante den e constela-
cion di loke antes tabata An-
tia di 6 y despues di 5. Hopi
negoshi tin supsidiarionan
na St. Maarten y e otro isla-
nan. Ta nifica cu e impacto
lo bay mustra di nan bukinan
tambe, asina e ta splica.
E tambe ta kere cu nos reser-
va di divisa ta bon posiciona
awor aki cu e por wanta e
sla economico y financiero
di horcan Irma. Un aspecto
importante ta e parti di se-
guro cu lo mester bin bek
den ekonomia di St.Maarten.
Hopi compania sinembargo
no a sigura of a sigura parcial-
mente so despues di horcan
Luis na 1995. Esey lo por tin
su repercusionnan pa loke ta
trata revitalisacion di e isla.
Pa loke ta trata Hulanda, te
cu awor aki no tin un contes-
ta cla ken ta bay paga pa re-
construccion di St. Maarten.
E punto ey no ta na consider-
acion awor aki, asina gober-
nantenan Hulandes a bisa un
biaha mas ayera. Ta anticipa
cu e reconstruccion di St.
Maarten lo bay costa algun
biyon florin.
Rey Willem-Alexander a bisa
e siman aki cu Hulanda lo no
laga e islanan na caya. Tras di
cortina e tin hopi influencia
y esey sigur lo bay hunga un
rol den e situacion actual. E
monarca a regresa Hulanda.