Page 12 - AAA 1 DEC 2015

hende A27
Diamars 1 December 2015

Shoco Awards un anochi unda esunnan cu ta resalta den turismo a wordo reconoci

Diadomingo anochi a tuma luga evento di
Shoco Awards of Exellence na Renaissance
Convention Center.
Un anochi unda tur esunnan cu a resalta den e
industria di hospitalidad a reuni y conoce e gana-
donan di e ShocoAward den 8 diferente categoria.
ShocoAwards a celebra 10 aña di existencia y mes-
ter bisa cu e aña aki a conta cu casi 50 nominado,
demostrando asina e sosten cu e premiacion aki ta
hayando den e industria di hospitalidad y servicio.
Inicialmente el a cuminsa como un premiacion
di AHATA, pero na 2011 Minister di Turismo a
tuma esey bou su hala pa haci di dje un premiacion
nacional, naturalmente continuando cu e sosten
di AHATA. Despues di esaki, for di 2014 Shoco
Awards a bira un Fundacion, lo cual ta ofrece po-
sibilidadnan mas amplio pa sigui crece den nos co-
munidad.
E aña aki e sponsornan principal di e ShocoAwards
tabata Ministerio di Turismo, AHATA, ATA y
AAA, entidadnan cu ta directamente relaciona cu e
industria di turismo.
E anochi tabata uno hopi agradabel yen di expecta-
tiva pa conoce e ganadonan.
E ganadonan di Shoco Awards tabata Monica Bos
di De Palm Tours cu a gana e Young Professional.
Robert Franklin Bermudez di Bucuti& Tara Beach
tabata e maximo ganado di e categoria OneHappy
Island Ambassador. Manager of theYear a bay pa
Altagracia Lampe di Ritz Carlton. Michael Wilfred
Martilia di Divi tabata e ganado di e categoria di
Supervisor of theYear. Robert Wever di Holiday-
Inna wordo anuncia como e ganado di e categoria
di Employee of theYear. Myrna Jansen Feliciano a
gana e categoria di Lifetime Achievement.
Shoco Awards ta premia tambe studiantenan den
e ramo di hospitalidad cu ta sobresali na nan re-
spectivo scol y esakinan Lorenzo Dirksz Jr di EPI y
Jessica Andrea Valbuena di Universidad di Aruba.
Banda di e 8 ganadonan, tambe tabata tin recono-
cemento pa tres diferente persona of entidad cu
ta contribui na nos turismo. Lissy Lampe a ricibi
e reconocemento di Simon Oduber Award cu ta
wordo presenta na esunnan cu ta contribui riba e
tereno di Meetings and Incentives den Turismo.
Isidro Jacinto “Chido” Hernriquez a ricibi e
reconocemento special pa su trabou fuerte y gran
contribucion na nos turismo.
Finalmente, diahuebs siman pasa ShocoAwards
conhuntamente cu Ministerio di Turismo y ATA
a haci entrega di un reconocemento special na tur
miembro di Inmigracion pa nan gran contribucion
na nos turismo, siendo nan e prome cara y impre-
sion cu nos bishitantenan ta haya di nos isla.q