Page 80 - KPA JULY 24 2015

Municipio di Eindhoven ta teme traficacion di droga riba
buelonan directo for di Antiyas

Publication: Friday, 24 July 2015. Categoria: General

ORANJESTAD (AAN): Informacion for di Eindhoven ta mustra cu municipio tin un
preocupacion pa loke ta e plan di aerolinea Arkefly, di bay bula pa Aruba y Corsow for di
aeropuerto di Eindhoven.

Ta wordo pensa cu e tipo di buelonan ta trece riesgonan di seguridad relaciona cu droga.

Esaki segun alcalde di Eindhoven Rob van Gijzel, den un carta na minister Ard van der Sleur, di
Seguridad y Husticia.

Van Gijzel riba peticion di e hunta di municipio a pone den un carta cu e municipio ta Sali for di
e punto di bista cu riba e buelonan cu ta Sali for di e islana, ta bay tuma lugar 100% di control.

Esey kiermen cu tur pasahero nan equipage pa wordo controla.

Van Gijzel ta adverti si, cu algo asina ta costa capacidad di polis, husticia y marechaussee.

“Riba buelonan for di Aruba y Corsow pa algun tempo caba 100% di control ta tuma lugar”,
segun un vocero di e ministerio di Seguridad y Husticia.

Si ta bay tin buelonan for di Eindhoven pa Aruba y Corsow, ta depende di e cricunstancianan di
seguridad, segun e ministerio.

E intencion di Arkefly ta pa cuminza cu dos buelo pa siman pa Corsow y Aruba desde
Eindhoven.

Pa e aerolinea y e consumidor e ta mas barata di bula for di aeropuertonan mas chikito, compara
cu Schiphol.

http://www.diario.aw/2015/07/municipio-di-eindhoven-ta-teme-traficacion-di-droga-riba-buelonan-
directo-for-di-antiyas/