Page 21 - ATA
P. 21
Djaluna 16 Novèmber 2015 3
..Vlaginstructie pa
awe djaluna...
GOBIERNU DI
KORSOU SOLIDARIO
KU PAISNAN AFEKTA
PA ATENTADONAN
TERORISMO
WILLEMSTAD.- Gobièrnu
di Kòrsou a tuma nota ku
asombro di e atentadonan
di terorista ku a tuma
lugá na e.o. Paris i Beirut
resientemente. Gobièrnu
di Kòrsou ta desaprobá e
aktonan aki basá riba e balor
i normanan fundamental
ku sosiedat ta konstruí riba
dje. Na nòmber di gobièrnu
i e pueblo di Kòrsou premier
Ben Whiteman ke transmití
su mas sinsero kondolensia
na e gobièrnu di Fransia i
esun di Libanon pa medio
di e kanalnan diplomátiko
apropiá.
Alabes gobièrnu ke
manda su mas sinsero
kondolensia i forsa pa
famia i konosínan di tur
e víktimanan. Gobièrnu
di Kòrsou ta enfatisá
ku e pueblo di Kòrsou
ta representá unu ku
ta multikultural, habrí
i solidario ku tur otro
komunidat di e paisnan
ku ta rechasá e tipo di
atentadonan di teror aki.
E aktonan aki a konmoví
tur hende– dentro i pafó di
Reino Ulandes – i pa kual
motibu gobièrnu tambe ta
duna reakshon riba esaki.
Sigui lesa pagina 45
