Page 6 - ARUBA BANK

Tarifa di number di auto tin un deadline. Por a tuma nota cu Departamento di Impuesto a

saca un comunicado cu ta bisa cu esun cu no paga entrante 2 di Juli, lo tin cu paga un

multa. A haya informacion cu lo ta un tarifa mescos cu un plachi di number di un auto.

Segun minister di Finansas y Asuntonan Economico, a splica cu cada biaha ta e mesun

situacion

PAKICO CADA BES?

Semper e minister Xiomara Maduro ta bisa, durante conferencia di prensa, cu e pago di

number di auto no a cuminsa lora ayera y no lo bay stop di lora awe y mañan tambe e lo

sigui lora. Tur hende sa cu na comienso di aña tin cu paga locual ta e gastonan concerni

cu e plachi di number cu nos tin. Ta haya e ora dos oportunidad di pago y cu e pagonan
aki ta yega awor aki na e momento cu e mester wordo paga. No ta algo cu no sa di dje. E

ta importante. Pais Aruba ta purba di cumpli cu tur hende. Nos tambe mester por cumpli

cu pais Aruba. Sa di antemano kico ta e fechanan y si nos kier bay pa progreso di e pais

aki, nos mester tene cuenta cu e asuntonan aki y segun e minister ta hopi importante pa

tene tur esaki den consideracion pa e ora ey no ta cu un dia prome, of un rato prome, e

ora ta bay cuestiona kico ta e decisionnan cu a tuma riba e parti aki. No ta awe a sali bisa

cu mañan mester paga. Tabata sa e cos aki for di comienso di aña caba. Di prome cu

comienso di aña, en realidad.