Page 27 - flip min social

No ta usual cu Minister nan mes ta yega te na pia di trabou pa haci inspeccion den cierto departamentonan, pero
esaki a sosode riba e prome dia di trabou na DIMAS y Departamento di Labor. Durante e bishita dialuna mainta na
edificio di DAO Minister Paul Croes personalmente a bay haci inspeccion di e trabounan cu mester a caba di haci pa
asina e personal lo traha den un miho ambiente.
Durante lunanan tabata tin e problema di holonan desagradabel como tambe di schimmel unda ta tin empleadonan
cu a bira malo, awor esaki ta tras di lomba.
Minister a pasa cada piso controla y a keda satisfecho cu e trabou aunke ainda falta trabou nan di limpiesa di
mueblenan pa asina tur cos ta normal.
Minister Paul Croes a bisa cu e kier pa su empleadonan sigur traha den un ambiente limpi, higienico y agradabel y
asina evita mas a.o. door di e ambiente a-higienico cu ta tin anteriormente den e edificio.
Minister Paul Croes ta contento cu awor e edificio ta den bon estado y sigur lo bay sigui traha den e forma estrecho
cu su empleadonan di departamento di Labor y investigacion. Lo keda haci un monitor pa e siguiente tres lunanan pa
asina por garantisa e salud di tur trahado y tambe e bishitantenan di e edificio. Por bisa cu e edificio a keda den un
estado excepcional.