Page 67 - KPA OCT 23, 2015

Djabièrnè 23 òktober 2015 41

Kontinuashon di pag. 7
NO TA ASEPTA NADA
manda un atvertensia
hopi serio na esnan ku ta
kere ku e tipo di akshonnan
aki ta kita polis i Ministerio
Públiko for di e kaminda
ku nan ta kanando, esta
kombatí krímen ku man
duru. Nos no ta spanta,
nos no ta bèk i e tipo di
susesonan aki ta duna nos
muchu mas entusiasmo i
muchu mas direkshon pa e
trabou ku nos ta hasiendo
pa komunidat su trankilidat.
Navarro a sigui bisa ku
nan lo no bèk i sigui traha
pa motibu ku ta un grupo
chikí ta hasi hopi bochincha
i ku ta defendé kos robes i
sali na vanguardia di e
kriminalnan.
‘Naturalmente e grupito
por bin ku mil i un menasa,
pero nan tur ku ta na e mesa
sintá, no tin miedu di ni un
menasa”, Minister Navarro
a bisa.
E Minister a splika ku
nan ta sigui ku e trabou i
e no ta wòri mes ku e ‘app’
nan di menasa ku e ta haña
ku e tin di wak su kaya.
Navarro a bisa ku e ta sigui
su kaminda i na final ta
hustisia ta gana.
Finalmente el a mustra
ku outoridat ta tira pa lei,
pa lei ta kue hende sera i si
e hendenan ta kere ku e loke
ku a pasa ta spanta polis i
pone ku nan ta hala atras,
ta kibuká, awor polis a bira
muchu mas desidido.