Page 69 - KPA OCT 23, 2015

Djabièrnè 23 òktober 2015 47

POLIS NO TA
ASEPTA AGRESHON,

INSULTO I
RESISTENSHA

WILLEMSTAD.- Mas
i mas Kuerpo Polisial
ta tumando nota di
komportashonnan
sumamente agresivo
di algun suidadano na
momentu ku nan ta den
kontakto ku polis.
Den kuadro di e trabou
ku polis ta realisá pa
garantisá órden públiko i
seguridat, mester aserká
suidadanonan pa someté
nan na kontròl i den sierto
kaso polis tin e obligashon
di hasi detenshon di esnan
ku hasi nan mes kulpabel na
echonan kastigabel.
Ta notabel e oumento
di agreshon, insulto i
resistensha ku miembronan
di Kuerpo Polisial a bin
ta risibí, no opstante un
aserkamentu profeshonal i
desente.
Ta bon pa enfatisá
ku polis, bou di ningun
sirkunstansha no ta aseptá
niun klase di intimidashon,
menasa ni ofensa den
kumplimentu di su labor.
Tur violensha,
resistensha i
opstakulisashon den
realisashon di e trabou ku
polis ta yamá pa hasi na
bienestar di komunidat, lo
keda kibrá ku violensha,
semper kedando den e
kuadro ku lei ta pèrmití pa
polis aktua.
Semper ku e
determinashon i firmesa
nesesario.
Polis tei pa keda sirbi
i protehá e komunidat
aki dignamente ku rèspèt
mutuo.

Kontinuashon di pagina 46
E KURIKULO DI ...

e tin eksperensia di
trabou den diferente
posishon di maneho denter
di diferente sektor. N’e
momentunan aki e ta den
e posishon di maneho i
desaroyo komersial di un
entidat finansiero unda e
ta enkargá entre otro ku
merkadeo i benta. Mas aleu
for di su kuríkulo por dedusí
ku e tin e eksperensia den
maneho.

Teniendo kuenta ku un
ke otro, SBTNO ta bisa ku
e no tin opheshon di peso
kontra nombramentu di sra.
Gibbs komo miembro dje
komisariado di CTDF.