Page 14 - FLIP HOH
P. 14
algo hopi bunita, como e prome stap grandi cu di berdad ta bay comberti e Landslaboratorium den un
fundacion cu ta resorta bao di Dr. Horacio E. Oduber Hospitaal. El a splica cu laboratorio ta conta cu
profesionalnan cu ta traha bon y mas cu tur cos kier duna servicio di calidad, pero e burocracia di
Gobierno ta impone cierto limitacionnan pa nan. Laboratorio ta un “kerntaak” di Gobierno, o sea cu
Gobierno mester garantisa cu tin un laboratorio. “Pero no kiermen cu Gobierno mester carg’e su mes,”
Minister Schwengle a subraya.
E mandatario a bisa cu Landslaboratorium ta core risico si e keda den su forma actual, pero haciendo e
transicion den un fundacion, lo sigura su existencia. E realidad ta cu e forma actual no ta factibel.
Minister Schwengle a splica cu aunke e mes semper a boga pa privatisacion, den e proceso di preparacion
y evaluacion di e opcionnan, el a realisa cu e forma di un fundacion no ta malo y ta calma e inkietud di e
empleadonan pa cu nan trabao.
Esun cu mas lo beneficia ta e pueblo mes, Minister Schwengle a comenta, añadiendo cu e mehoracion
nan lo ta bisto den e calidad di servicio, pero tambe den e parti financiero, cu mas oportunidadnan pa
haci inversionnan necesario.
E titular di salubridad a comenta cu como un fundacion, laboratorio lo por inverti tambe den su
certificacion internacional. Y, esaki ta hopi necesario, como cu inspeccion di remedi y AZV ta bay ta hopi
mas estricto cu tur laboratorio y lo bay exigi pa tur ta igual y brinda e mesun calidad di servicio. E
acreditacion lo mester bay pa medio di un organisacion internacional, lo pone un norma como obhetivo y
tur mester traha riba e mesun nivel y transparente, Minister Schwengle a bisa.
Loke mester tuma luga ta e palabracionnan cu ta concerni e empleadonan y esaki ta den man di e
personal y SEPPA mes, hunto cu hospital.
Dr. Horacio E. Oduber Hospitaal a compromete pa tuma over ful operacion di e laboratorio. Minister
Schwengle a confirma cu e enfoke ta riba e empleadonan pa siguransa y continuidad tanten cu nan
percura pa duna Aruba y pashentnan un laboratorio cu ta sigui crece y cu miho calidad. E laboratorio lo
keda esun di mas grandi di Aruba despues di e transicion.
Concluyendo Minister dr. Alex Schwengle a bisa cu asina tur cos ta bon estableci e tin e deseo pa mira
Landslaboratorium sigui desaroya y hasta yega na e punto cu e ta den e posicion di por ofrece servicionan
cu instancianan den exterior.
Di parti di e staf medico di hospital, dr. Wicha Ponson-Wever a expresa cu nan ta hopi contento cu e
convenio, como cu esaki lo por resulta den un mehoracion enorme di e calidad di servicio di
Landslaboratorium, cu tambe ta inclui e departamento di “pathologie”. E specialista a comenta cu e
cambionan lo traduci den beneficionan enorme pa tur specialista na Hospital, manera e velocidad cu lo
keda cla awor cu testnan, e resultadonan lo ta disponibel mas lihe y lo conoce un ampliacion di e pakete
di testnan cu ta wordo haci.
Tur cambio ta rekeri pasenshi, nan lo bin poco poco, pero e pashentnan tambe lo ripara cu mas test por
wordo haci y cu nan ta haya nan resultadonan mas lihe.
fundacion cu ta resorta bao di Dr. Horacio E. Oduber Hospitaal. El a splica cu laboratorio ta conta cu
profesionalnan cu ta traha bon y mas cu tur cos kier duna servicio di calidad, pero e burocracia di
Gobierno ta impone cierto limitacionnan pa nan. Laboratorio ta un “kerntaak” di Gobierno, o sea cu
Gobierno mester garantisa cu tin un laboratorio. “Pero no kiermen cu Gobierno mester carg’e su mes,”
Minister Schwengle a subraya.
E mandatario a bisa cu Landslaboratorium ta core risico si e keda den su forma actual, pero haciendo e
transicion den un fundacion, lo sigura su existencia. E realidad ta cu e forma actual no ta factibel.
Minister Schwengle a splica cu aunke e mes semper a boga pa privatisacion, den e proceso di preparacion
y evaluacion di e opcionnan, el a realisa cu e forma di un fundacion no ta malo y ta calma e inkietud di e
empleadonan pa cu nan trabao.
Esun cu mas lo beneficia ta e pueblo mes, Minister Schwengle a comenta, añadiendo cu e mehoracion
nan lo ta bisto den e calidad di servicio, pero tambe den e parti financiero, cu mas oportunidadnan pa
haci inversionnan necesario.
E titular di salubridad a comenta cu como un fundacion, laboratorio lo por inverti tambe den su
certificacion internacional. Y, esaki ta hopi necesario, como cu inspeccion di remedi y AZV ta bay ta hopi
mas estricto cu tur laboratorio y lo bay exigi pa tur ta igual y brinda e mesun calidad di servicio. E
acreditacion lo mester bay pa medio di un organisacion internacional, lo pone un norma como obhetivo y
tur mester traha riba e mesun nivel y transparente, Minister Schwengle a bisa.
Loke mester tuma luga ta e palabracionnan cu ta concerni e empleadonan y esaki ta den man di e
personal y SEPPA mes, hunto cu hospital.
Dr. Horacio E. Oduber Hospitaal a compromete pa tuma over ful operacion di e laboratorio. Minister
Schwengle a confirma cu e enfoke ta riba e empleadonan pa siguransa y continuidad tanten cu nan
percura pa duna Aruba y pashentnan un laboratorio cu ta sigui crece y cu miho calidad. E laboratorio lo
keda esun di mas grandi di Aruba despues di e transicion.
Concluyendo Minister dr. Alex Schwengle a bisa cu asina tur cos ta bon estableci e tin e deseo pa mira
Landslaboratorium sigui desaroya y hasta yega na e punto cu e ta den e posicion di por ofrece servicionan
cu instancianan den exterior.
Di parti di e staf medico di hospital, dr. Wicha Ponson-Wever a expresa cu nan ta hopi contento cu e
convenio, como cu esaki lo por resulta den un mehoracion enorme di e calidad di servicio di
Landslaboratorium, cu tambe ta inclui e departamento di “pathologie”. E specialista a comenta cu e
cambionan lo traduci den beneficionan enorme pa tur specialista na Hospital, manera e velocidad cu lo
keda cla awor cu testnan, e resultadonan lo ta disponibel mas lihe y lo conoce un ampliacion di e pakete
di testnan cu ta wordo haci.
Tur cambio ta rekeri pasenshi, nan lo bin poco poco, pero e pashentnan tambe lo ripara cu mas test por
wordo haci y cu nan ta haya nan resultadonan mas lihe.
