Page 5 - AWM 3 FEB 2018

Diasabra, 3 Februari 2018 AWEMainta 5

Crusando

caya peaton

Peruano alcansa

mortalmente na

Savaneta

DIABIERNA mainta den careda di 6’or y
mey, polis ta bay cu urgencia poco pabou di e

crusada di J.R Autocenter unda cu lo tin un

accidente hopi grave.

E Polisnan cu a yega na e sitio y a mira e situ-
acion di e victima a solicita pa ambulance

bin cu maximo urgencia. E victima lo a ricibi

trauma pisa na cabes y esaki tawata sangra
hopi.

Despues di un rato nan a bin compronde cu
e persona lo a wordo alcansa pa un brommer

y cu e manehador di e brommer tambe ta

herida. Dos ambulance a bay na e sitio, pero
lamentablemente pa e peaton mucho mas

no por a wordo haci y a pidi pa avisa dokter
y instancianan concerni. Pa 7’or di mainta

Dokter De Cuba ta constata morto di e pea-

ton, kende a bira e prome morto di trafico pa
2018. Ta trata di Luis Alberto Perez Cortes,

naci na Peru dia 18 februari 1953 y biba na
Savaneta.

Segun por a compronde, e fayecido tabatin
20 aña trahando cu e contratista Clemente

Oduber. Tur dia ta mir’e ta crusa caminda na

e sitio ey. Con bini e no a mira e brommer
bahando, no ta conoci. Tabatin coleganan cu

a yega na e sitio y a keda den shock di mira

nan compañero tira riba caminda sangrando
profusamente.

E manehador di e brommer a haya basta sla
na su cara tambe y a wordo transporta cu

ambulance pa hospital.

Na famia y coleganan di Luis Alberto Perez
Cortes ta bay palabranan di condolencia.