Page 27 - MIN VOS DEC 13, 2014
P. 27
Minister Schwengle a expresa cu e ta sumamente contento cu e establecimento di e centro, specialmente
pasobra e iniciativa a bin for di e “field” mes pa realisa esaki. E centro aki a wordo realisa pa e partnernan
Cas Marie, Dr. Horacio Oduber Hospital, en particular Dr. Waterloo, kende ta un internista specialisa
den cuido di hende grandi, y Stichting Algemene Bejaardenzorg Aruba (SABA) y a conta cu subsidio di
CEDE Aruba pa tur e mueblenan necesario. Gobierno ta duna sosten completo na e Centro di Memoria,
pasobra e ta un proyecto necesario, Schwengle a comenta. E centro ta hopi importante pa nos
comunidad, “teniendo na cuenta cu nos tin e vergrijzing pisa y hunto cu esey nos sa cu nos incidencia di
problema cu memoria ta creciendo enormemente y e no ta bay stop pa awo,” Minister Schwengle a bisa,
añadiendo cu ta hopi importante pa tin un cuido adecua y integral, unda cu na un fase hopi tempran ta
localisa unda tur e problemanan di memoria ta y asina por purba influencia esaki pa postpone pa e bira
un problema mas grandi. Pa medio di un bon maneho lo por logra pa e hendenan grandi keda biba na cas
y no den cas di hende grandi; esaki ta e deseo tambe di mayoria di nos hendenan grandi, pero si no ataca
nan condicion na tempo nan lo resulta ta bay biba na SABA den un fase hopi tempran, segun e
mandatario. E beneficionan di un bon diagnosis, cuido di pashent y guia na cas ta hopi grandi. Na prome
luga, e grandinan lo por keda biba na hogar pa un tempo mas largo, asina nan deseo ta wordo cumpli y e
costonan di su cuido ta mas abao, Minister Schwengle a splica. El a remarca cu a constata cu SABA ta
birando mas un “verpleeghuis” (cas di cuido) cu un “bejaardentehuis” (cas pa hende grandi) y loke ta
deseabel ta pues awo pa reenforsa e cuido specialisa den e verpleeghuis y cu guia y cuido adecua haci
posibel pa nos grandinan por keda biba den nan cas y nan mesun bario pa mas tempo. Esaki ta mas
atractivo pa nos grandinan y mas atractivo financieramente tambe, Schwengle a subraya. Den transcurso
di otro aña lo establece un division nobo na Departamento di Salud, cual lo concentra riba maneho di
cuido pa nos grandinan. Lo inclui den un plataforma organisacionnan di interes manera SABA, hospital,
Cas Marie, AZV y CEDE Aruba, pero tambe fundacionnan manera Centro Kibrahacha cu ta provee
servicionan importante na nos grandinan. Lo evalua cuido pa nos grandinan y traha riba un plan
nacional cu no ta mara na politiek, pero lo wordo carga “di pueblo pa pueblo” pa e proximo 10, 20 y hasta
30 aña, Schwengle a splica. No por sigui inverti den zorg specialisa so manera SABA, pero kier introduci
un asina yama sistema di Community Based Rehabilitation, unda cu hendenan grandi, pero tambe
personanan cu limitacion ta haya e infrastructura necesario y “mantelzorg” di bon calidad na cas y den
bario. Esaki tin costonan hopi mas abao cu si e personanan ta biba den un verpleeghuis of
bejaardentehuis. Schwengle a conclui bisando cu e intencion ta pa move e focus di cuido institucionalisa
y profesionalisa pa cuido den bario y na cas cu profesionalismo cu ta basa riba e necesidadnan specifico
di e clientenan.
http://www.24ora.com/politica-mainmenu-18/89684-minister-schwengle-centro-di-memoria-
ta-necesario-y-importante
pasobra e iniciativa a bin for di e “field” mes pa realisa esaki. E centro aki a wordo realisa pa e partnernan
Cas Marie, Dr. Horacio Oduber Hospital, en particular Dr. Waterloo, kende ta un internista specialisa
den cuido di hende grandi, y Stichting Algemene Bejaardenzorg Aruba (SABA) y a conta cu subsidio di
CEDE Aruba pa tur e mueblenan necesario. Gobierno ta duna sosten completo na e Centro di Memoria,
pasobra e ta un proyecto necesario, Schwengle a comenta. E centro ta hopi importante pa nos
comunidad, “teniendo na cuenta cu nos tin e vergrijzing pisa y hunto cu esey nos sa cu nos incidencia di
problema cu memoria ta creciendo enormemente y e no ta bay stop pa awo,” Minister Schwengle a bisa,
añadiendo cu ta hopi importante pa tin un cuido adecua y integral, unda cu na un fase hopi tempran ta
localisa unda tur e problemanan di memoria ta y asina por purba influencia esaki pa postpone pa e bira
un problema mas grandi. Pa medio di un bon maneho lo por logra pa e hendenan grandi keda biba na cas
y no den cas di hende grandi; esaki ta e deseo tambe di mayoria di nos hendenan grandi, pero si no ataca
nan condicion na tempo nan lo resulta ta bay biba na SABA den un fase hopi tempran, segun e
mandatario. E beneficionan di un bon diagnosis, cuido di pashent y guia na cas ta hopi grandi. Na prome
luga, e grandinan lo por keda biba na hogar pa un tempo mas largo, asina nan deseo ta wordo cumpli y e
costonan di su cuido ta mas abao, Minister Schwengle a splica. El a remarca cu a constata cu SABA ta
birando mas un “verpleeghuis” (cas di cuido) cu un “bejaardentehuis” (cas pa hende grandi) y loke ta
deseabel ta pues awo pa reenforsa e cuido specialisa den e verpleeghuis y cu guia y cuido adecua haci
posibel pa nos grandinan por keda biba den nan cas y nan mesun bario pa mas tempo. Esaki ta mas
atractivo pa nos grandinan y mas atractivo financieramente tambe, Schwengle a subraya. Den transcurso
di otro aña lo establece un division nobo na Departamento di Salud, cual lo concentra riba maneho di
cuido pa nos grandinan. Lo inclui den un plataforma organisacionnan di interes manera SABA, hospital,
Cas Marie, AZV y CEDE Aruba, pero tambe fundacionnan manera Centro Kibrahacha cu ta provee
servicionan importante na nos grandinan. Lo evalua cuido pa nos grandinan y traha riba un plan
nacional cu no ta mara na politiek, pero lo wordo carga “di pueblo pa pueblo” pa e proximo 10, 20 y hasta
30 aña, Schwengle a splica. No por sigui inverti den zorg specialisa so manera SABA, pero kier introduci
un asina yama sistema di Community Based Rehabilitation, unda cu hendenan grandi, pero tambe
personanan cu limitacion ta haya e infrastructura necesario y “mantelzorg” di bon calidad na cas y den
bario. Esaki tin costonan hopi mas abao cu si e personanan ta biba den un verpleeghuis of
bejaardentehuis. Schwengle a conclui bisando cu e intencion ta pa move e focus di cuido institucionalisa
y profesionalisa pa cuido den bario y na cas cu profesionalismo cu ta basa riba e necesidadnan specifico
di e clientenan.
http://www.24ora.com/politica-mainmenu-18/89684-minister-schwengle-centro-di-memoria-
ta-necesario-y-importante
