Page 6 - MIN SOC

22 AWEMainta Diahuebs, 24 September 2015

Colegio EPI unidad
Salubridad & Servicio
cu un ‘STAGEMARKT’
pa studiantenan

DIABIERNA 18 di september ultimo a tuma lugar un ‘stagemarkt’ pa

studiantenan di e opleiding Welzijn di Unidad Salubridad & Servicio di
Colegio EPI. E ‘stagemarkt’ aki a tuma lugar den e auditorium di Colegio EPI
caminda cu diferente instancia a manda nan representante cu informacion
pa por suministra n’e studiantenan.
Intencion tras di e evento aki ta p’e studiantenan por cera conoci cu diferente
organisacion local cu ta traha den e area di ‘welzijn’, esta trahador na bienestar
social.
Durante di e ‘stagemarkt’ studiantenan tambe por a explora kico t’e
oportunidadnan laboral den nan ramo di estudio. Aki por pensa riba lugarnan
di stage pa studiantenan cu ta mey mey di nan estudio pero tambe riba
trabounan fiho p’esnan cu ta cabando nan estudio e aña aki. Mester remarca
cu e variacion di organisacionan cu tabata presente tabata uno hopi amplio
unda cu e studiantenan a ricibi hopi informacion valioso.
E organisacionnan cu a participa ta FADA, Dr. Horacio E. Oduber Hospitaal,
Fundacion Telefon pa Hubentud Aruba, FMAA, Fundacion Famia Planea,
Fundacion Biba bao Guia, Fundacion Hende Muher den Dificultad, Fundacion
Respetami, Funari, Kinderhuis Imeldahof, Fundacion Centro Famia di Criansa
Aruba, FCCA y Fundacion pa Nos Muchanan.
Importante pa menciona ta cu den transcurso di e aña escolar aki lo bay tin
mas evento similar caminda lo pone compania den contacto cu studiantenan
di e otro unitnan di Colegio EPI.
Si acaso tin companianan cu ta interesa pa forma parti di esaki por tuma
contacto cu Sra. Eddelyn Dijkhoff-Figaroa na Stagebureau di Colegio EPI,
telefoon 5258745 of via e-mail erdijkhoff@epiaruba.com.

Unidad Salubridad & Servicio conhuntamente cu Stagebureau di Colegio EPI
ta gradici tur organisacion pa ta presente y pa semper coopera cu Colegio EPI
y su studiantenan.