Page 9 - MIN SOC

AWEMainta Diahuebs, 24 September 2015 25

Grupo Infantil
y Juvenil
Jardin di
Primavera ta
celebra 1 aña

DIADOMINGO proximo club Infantil y Juvenil

Jardin di Primavera ta celebra 1 aña.
Ta net un aña pasa cu a tuma e iniciativa pa cuminsa cu
un programa tur diasabra pa muchanan di decentiente
Portugues. A cuminsa cu un grupo chikito di mas o
menos 5 pa 8 mucha y awe ta conta cu un grupo di
mas cu 12 mucha entre e edad di 4 pa 12 aña.
E idea ta p’e muchanan tin algo productivo di hasi
riba diasabra atardi. E muchanan ta bin hunto na
club Primavera y ta hasi diferente actividad manera
speurtocht, dia na lama, obra di man, siña hunga
bolas criollas, eleccion di reina, celebracion di dia di
bestia y hopi mas. Nan ta haya charlanan interesante
di diferente topico manera bullying, k9, droga, self
esteem, drag racing y mas.
Tur luna tin un topico diferente na cual e actividadnan
ta mara. E aña cu a pasa tabata uno hopi exitoso p’e
grupo aki y p’e motibo aki ta celebra e prome aña en
grande cu e muchanan. E celebracion lo ta diadomingo
27 di september na club Primavera cuminsando pa 5or
di atardi. E comishon cu ta encarga cu e grupo aki ta
hasi un invitacion na pueblo di Aruba, en especial e
comunidad Portugues pa pasa diadomingo y presencia
e fiesta aki, un contribucion di AWG 5,- lo ta altamente
aprecia. E actividadnan lo ta weganan popular, quiz
pa mucha y hopi mas. Alaves ta invita tur mucha cu
ta entre 4 pa 12 aña y cu kier hasi algo productivo y
divertido riba diasabra cu por pasa libremente tur
diasabra entre 3or cu 5or di atardi na club Primavera
pa forma parti di e grupo Infantil y Juvenil Jardin di
Primavera. Un danki special ta bay n’e mayornan di
e muchanan cu ta tuma tempo pa trece e muchanan
y aporta n’e actividadnan.

Fundaçao Social Cultural Portugues kier a felicita e
comission y tur e muchanan cu e prome anniversario
di e grupo aki.