Page 9 - Djaweps 22 mart 2018.pdf

Djaweps 22 Mart 2018 9

Solamente 154
hende a vota na

Kòrsou

Tiki interes pa

referendum-Wiv

den parti Karibe

Ulandes

WILLEMSTAD.- Ayera
a tuma lugá un votashon
pa un referendum asesorá
tokante e lei nobo riba
servisio di informashon i
seguridat, ku yama “Wiv”.
E referendum a tuma lugá
na Ulanda i tambe den parti
Karibe Ulandes. Den general
por bisa ku interes pa e
referendum tabata hopi tiki.

Na Kòrsou, Aruba i Sint
Maarten solamente hende
ku a mèldu nan mes promé
dia di referendum por a vota
via e sistema di ‘briefstem’.
Ku ta nifiká vota via un karta
na ‘Vertegenwoordiging
di Ulanda na Aruba,
Curaçao i Sint Maarten.’
Vertegenwoordiging
ayera a duna di konosé
ku e resultado preliminar
ta mustra ku na
Vertegenwoordiging di
Ulanda na Kòrsou 154
persona a entregá un voto
válido. Den total 100 hende
a vota pro, 52 a vota kontra
i 2 a vota blanko.

Na Vertegenwoordiging
di Ulanda na Aruba 91
persona a entregá un voto
válido. Den total 53 persona
a vota pro, 38 a vota kontra,
0 persona a vota blanko.
Na Vertegenwoordiging di
Ulanda na Sint Maarten
25 persona a entregá un
voto válido. Den total 13 a
vota pro, 12 vota kontra i 0
blanko.

Esaki ta resultadonan
preliminar. E resultado
definitivo lo keda anunsiá
mas despues na Ulanda.
Abitantenan di Boneiru,
Saba i St. Eustatius tabatin
derechi di vota.

Esaki komo motibu ku
e tres islanan ta munisipio
spesial di Ulanda. Riba e
islanan tabatin hopi tiki
interes pa entregá un voto
pa e referendum.

Rijksdienst Caribisch
Nederland for di 13 di
febrüari a informá pueblo di
e islanan via un kampaña di
informashon via avisonan,
riba radio, televishon i
Facebook. Esaki a tuma
lugá bou di responsabilidat
di minister di Asuntunan
Interior i Relashon di Reino
Kasja Ollongren. Durante
e dia ayera tòg hopi hende
riba e islanan a disidí pa no
entregá nan voto.