Page 26 - HOSPITAAL

E problema di uso di cannabis a bira asina controversial rond mundo, cu no por bay
cuminsa cu’n comision cu ta bin cu cierto conseho, pero lo mester bay na un
referendum, si gobierno kier bay permiti pa marihuana medicinal worde introduci. Pero
Dr. Falconi ta di opinion, y esaki tin di haber cu control, cu si bay introduci marihuana

medicinal, awel no mucho leu di dje lo bo bay haya e uso recreacional.

E ta bay ta dificil pa dividi nan dos, pasobra cu unavez e ta riba mercado, con un
funcionario of hende por sa ken ta usando e como “medicinal” of no? Y na Aruba,

control no ta e punto fuerte.

Hopi biaha tin escasez di control drechi, pa cual e problemanan ta escala. E comision
simplemente mester bin cu e pregunta si e CBD oil mester worde introduci of no, pero

bin cu e pregunta si nos ta di acuerdo cu e uso di marihuana na Aruba, mester worde
permiti pa ley, of no.

Tin diferencia cu na Hulanda, bo ta hay’e na counter, pero aki na Aruba, e CBD oil ta

bende clandestinamente. Ta bin e ora e pregunta con e uso aki ta?

Dr. Falconi a splica cu esey ta e pregunta cun’e y cu ciencia medico ta bezig
cun’e. Riba caya ta haya hopi hende cu tin hopi experiencia y nan lo duna of splica cu

pa cierto tipo di malesa, ta use di tal forma. Pero hopi biaha, nan ta cauteloso, y cu nan
mes no sa kico ta bon y kico ta necesario of no.

Un hende cu tin hopi dolor, e dolor ocasiona door di nervio, ta un dolor intenso cu ta

sumamente pisa y por ripara cu e personanan aki tin e inclinacion pa usa mas remedi
cu docter ta prescribi. Den caso di hendenan asina, nan lo bay aumenta e uzo di CBD
oil y hustamente esey ta, pa dr. Falconi, como medico, ta e parti mas importante, pa sa
ki tipo di azeta nan ta bezig ta bendiendo.

Na Denver, Colorado e estudio ta hopi leu. Nan por baha e cantidad di THT y aumenta
CBD (oil) di tal forma, cu na e momento ey e efectonan di e CBD ta mucho mas pisa.

Pero ta bin e pregunta ta con hopi nan ta dun’e den caso di epilepsia maligno, cu
remedinan convencional no ta yuda suficiente. Na e momento ey, nan ta dunando e
dosering mas halto, pa purba di determina ki ora ta yega e punto na unda cu ta
suficiente pa reduci e atake di epilepsia, pero esey ta conta pa tur remedi.